Nú er sumardagskrá tekin við hjá Zen á Íslandi - Nátthaga

Ekki er iðkað á laugardögum í sumardagskrá en iðkun er eins og áður á mánudögum, miðvikudögum og fimmtudögum.

Sumardagskrá lýkur í lok júní og þá tekur við sumarfrí sem er fram yfir verslunarmannahelgi. 

- Gassho - Ekai

Vorsesshin Zen á Íslandi - Nátthaga verður haldið á Eirð við Gíslholtsvatn dagana 21-25. maí 2025.

Sesshin er nokkurra daga samfelld hugleiðsluiðkun og þýðir „að snerta hug og hjarta“ sem vísar til þess að á Sesshin nálgumst við og verðum nánari okkar upprunalega hug. Iðkun fer fram í þögn og með vakandi athygli, þannig gefum við hvert öðru rými og einbeitum okkur að hinni einu stund.

Dagskráin hjálpar iðkendum að gefa sig fyllilega að því sem á vegi þeirra verður hverju sinni, í hugleiðslusetum, gönguhugleiðslu, kyrjun, vinnuiðkun og sameiginlegum máltíðum (oryoki). Þátttakendum gefst líka tími til hvíldar á milli dagskrárliða.

Almennt þáttökugjald er 59.000 kr. en 49.000 kr. fyrir iðkendur sem greiða félagsgjald/árgjald.
Skráning fer fram með tölvupósti á [email protected]

Heil og sæl,

Næstkomandi laugardag 5. apríl fögnum við afmæli Búdda!

Dagskráin er þannig að við sitjum zazen kl. 08.00 og förum svo að stúpunni í Kópavogi þar sem verður lítil athöfn.
​
Zazen frá 08 - 08.40
Stúpa frá kl. 09 - 09.40

Leiðið hans Óskar Daian Ingólfssonar er í kirkjugarðinum og er ætlunin að fara þangað og leggja blóm á leiði hans og Noru Kornblueh eiginkonu hans.
​
Kópavogsbær er búinn að setja upp skilti (sjá mynd) með upplýsingum um stúpuna. Sumir iðkendur hafa aldrei komið að stúpunni og við höfum ekki farið þangað undanfarin ár svo það verður ánægjulegt að sameinast þar aftur.

Gassho,
Gyða Myoji, Ino

Nk. laugardaginn, 1. mars 2025 verður Gyða Myoji Darmaræðu á Kletthálsi 1 kl. 9:15.

Viðfangsefnið er kennsla víetnamska Zen meistarans Thich Nhat Hanh um Zen og listina að bjarga plánetunni (Zen and the Art of Saving the Planet).

"Jörðin er ekki umhverfið - eitthvað fyrir utan okkur sem við þurfum að hugsa um. Við erum jörðin! Að huga að umhverfinu er að hlúa að okkur sjálfum.

Við þurfum að fara handan þeirrar hugmyndar sem við höfum um umhverfið okkar. Við erum lifandi, andandi birtingarmynd þessarar fallegu gjafmildu jarðar".

-- Thich Nhat Hanh

Öll velkomin!

Hugleiðsla hefst kl. 08.00 og eru öll velkomin að taka þátt í henni.

Heil og sæl,

Á laugardaginn kemur, 18. janúar 2025 verð ég með Darmaræðu á Kletthálsi 1 kl. 9:15.
Hver stund er áskorun til að vakna til síns eigin lífs. Hvers vegna ættum við að vakna og hvers vegna er það svona mikilvægt?

Fyrir mér er það að vakna til síns lífs að bera kennsl á sitt sanna sjálf, sjá í gegnum okkar hugmyndir um það hver við erum og hvernig við erum til.

Að sjá hvernig allt birtist samtímis og er innbyrðis tengt. Að sjá skýrt að það er ekki til nein aðgreind tilvera.
Það að vakna er auðveldara um að tala en í að komast, iðkun er okkur öllum mikil áskorun og á sama tíma stórkostleg gjöf.
​
-Ástvaldur Zenki.

Gjöf sem gefur!
Ef þú vilt gleðja einhvern með inneign á hugleiðslunámskeið hjá Zen á Íslandi þá höfum við úbúið þetta gjafabréf

Við sitjum Rohatsu nk. föstudag, 6. desember. Við höldum upp á uppljómunardag Búdda með því að iðka saman zazen (og velkomið að standa upp og gera kinhin) frá kl. 21:00 til 01:00.

Búdda sat undi bodhítrénu og hafði strengt þess heit að standa ekki upp fyrr en hann hefði leyst gátuna um lífið og dauðann. Þegar eldaði af degi sá Búdda morgunstjörnuna og morgunstjarnan sá hann. Uppljómun Búdda var djúp og byltingarkennd, hann sá hvernig allur alheimurinn rís samtímis, nákvæmlega hér og nú. Það opinberaðist fyrir honum að allt er innbyrgðis tengt, ekkert getur komið fyrir eitt nema að það komi fyrir allt. Allur alheimurinn í einu blómi.

Þannig fyllir okkar iðkun út í allan alheiminn og hefur djúp og umbreytandi áhrif. Eins og gárur sem bylgjast um yfirborð vatns og fylla út í hvern krók og kima. Slík iðkun er besta gjöfin sem þú getur gefið sjálfum þér og öðrum.
Við viljum hvetja alla iðkendur til að koma og upplifa Rohatsu með okkur.

Stærsta gjöfin er að sitja saman í þögninni með athyglina á andardrættinum, tengja hug og hjarta í augnablikinu og upplifa þannig lífið sjálft - hér og nú!
​
Ég hlakka til að hitta ykkur á föstudaginn.
Gassho,
Myoji Ino

​Kæri lesandi,

Markmið Zen á Íslandi - Nátthaga er að starfrækja og viðhalda iðkun Sótó Zen Búddisma á Íslandi. Í Nátthaga er því haldið úti öflugri dagskrá allan ársins hring sem samanstendur af sitjandi hugleiðslu (zazen) fimm daga vikunnar ásamt ýmissi annarri fræðslu og viðburðum. En félagið gæti ekki haldið úti slíkri dagskrá ef ekki kæmi til sjálfboðavinna meðlima félagsins og styrkir velunnara og ríkisins til félagsins.

​Teljir þú starfsemi Zen á Íslandi þýðingarmikla þá er okkur mikill styrkur í að þú skráir þig í trúfélagið. Ef þú ert þegar skráður þá þökkum við stuðninginn og vonum að þú verðir félagi áfram. Viljir þú gerast félagi er auðvelt að breyta trúfélagsskráningu sinni (sjá leiðbeiningar á heimsíðu okkar).

Athugaðu að til þess að sóknargjöld í þínu nafni renni til Zen á Íslandi - Nátthaga árið 2025 þarf að breyta skráningunni fyrir sunnudaginn 1. desember næstkomandi. Að lokum viljum við taka fram að öllum er velkomið að taka þátt í dagskrá Zen á Íslandi - Nátthaga, óháð trúar- og lífsskoðunum.

Með fyrirfram þökk og fyrir hönd Zen á Íslandi – Nátthaga,

Ástvaldur Zenki Traustason
Kennari Zen á Íslandi – Nátthaga
​
Alfred Chozetsu Þórðarson
Forstöðumaður Zen á Íslandi - Nátthaga

Fimm nemendur tóku Jukai laugardainn 23. nóvember síðastliðinn.  Með því tóku þeir lífsgildin sem sín grunngildi í lífinu, og þar með skýra afstöðu með lífinu og gegn hverskyns ofbeldi og óréttlæti.