Blog Posts - Zen á Íslandi

Rohatsu - dagur uppljómunar 2020 á Zoom!

1/12/2020

Rohatsu er japanska og vísar til dags uppljómunar Búdda og hefð er fyrir því að halda daginn hátíðlegan og sitja hugleiðslu inn í nóttina. Við hjá Zen á Íslandi - Nátthaga sitjum því hugleiðslu á Zoom frá kl. 22:00 föstudagskvöldið 4. desember næstkomandi og til kl. 02:00 aðfararnótt laugardagsins.

Dagur uppljómunar Búdda er hátíðisdagur allra búddista. Þá höldum við uppá að Siddhartha Gautama uppljómaðist sem Shakyamuni Búdda. Sagan á bak við þennan dag uppljómunar er í raun saga búddismans.

Hún er líka saga um andlegt ferðalag venjulegs manns til uppljómunar, svo og saga kennslu hans og þeirra aðferða sem hann kenndi okkur til að lifa lífinu. Þegar þessi maður, Siddhartha Gautama, fann leiðina til uppljómunar þá leiddist hann af braut þjáningar og endurfæðingar, inn á braut uppljómunar og varð þá þekktur sem hinn uppljómaði, Shakyamuni Búdda, eða bara Búdda.

Iðkendur sem ekki hafa setið Rohatsu velta því gjarnan fyrir sér hvort þetta sé ekki langur tími til að iðka sitjandi hugleiðslu, í 4 klukkustundir. En reyndin er sú að tíminn breytist þegar maður situr zazen í langan tíma. Klukkustund getur virst sem tuttugu mínútur og tuttugu mínútur geta virst sem klukkustund. Við viljum því hvetja alla iðkendur til að mæta og upplifa Rohatsu með okkur núna í byrjun desember mánaðar.

Endilega takið þátt með því að smella á hnappinn hér að neðan, notist við neðangreint Zoom kenni eða hlekk. Athugið að þetta er annað kenni en við notum fyrir okkar reglulegu iðkun.

Nátthagi ROHATSU
Zoom kenni: 894 8617 4774
Zoom lykilnúmer: 000000 (6 núll)
Zoom hlekkur: https://us02web.zoom.us/j/89486174774

Nátthagi ROHATSU

Athugið! Það er svo engin seta laugardagsmorguninn á eftir.

Hlökkum til að sjá ykkur sem flest á föstudagskvöldið.

Skráning í trúfélagið Zen á Íslandi - Nátthaga 2021

25/11/2020

Reykjavík 25.11.2019

SKRÁNING Í TRÚFÉLAGIÐ ZEN Á ÍSLANDI – NÁTTHAGA

Kæri viðtakandi,

Markmið Zen á Íslandi - Nátthaga er að starfrækja og viðhalda iðkun Sótó Zen Búddisma á Íslandi. Í Nátthaga er því haldið úti öflugri dagskrá allan ársins hring sem samanstendur af sitjandi hugleiðslu (zazen) sex daga vikunnar ásamt ýmissi annarri fræðslu og öðrum viðburðum. En félagið gæti ekki haldið úti öflugri dagskrá ef ekki kæmi til vinna meðlima félagsins og styrkir til félagsins.

Teljir þú starfsemi Zen á Íslandi þýðingarmikla þá er okkur mikill styrkur í að þú skráir þig í trúfélagið. Ef þú ert þegar skráður þá þökkum við stuðninginn og vonum að þú verðir félagi áfram. Viljir þú gerast félagi er auðvelt að breyta trúfélagsskráningu sinni (sjá leið-beiningar á heimsíðu okkar).

Athugaðu að til þess að sóknargjöld í þínu nafni renni til Zen á Íslandi - Nátthaga árið 2021 þarf að breyta skráningunni fyrir þriðjudaginn 1. desember næstkomandi. Að lokum viljum við taka fram að öllum er velkomið að taka þátt í dagskrá Zen á Íslandi - Nátthaga, óháð trúar- og lífsskoðunum.

Fyrir hönd Zen á Íslandi – Nátthaga,

Ástvaldur Zenki Traustason
Kennari Zen á Íslandi – Nátthaga

Alfred Chozetsu Þórðarson
Forstöðumaður Zen á Íslandi - Nátthaga

Allt eins og það er; Leshringur með Brynjari Shoshin

19/11/2020

Næstkomandi laugardag 21. nóvember mun Zen á Íslandi - Nátthagi halda leshring á Zoom. Í þetta sinn lesum við kaflann "Allt eins og það er" úr bókinni "Ekkert upphaf, enginn endir" eftir Jakusho Kwong-roshi í þýðingu Brynjars Shoshin. Allir eru velkomnir og við vonumst til að sjá ykkur sem flest.

Við byrjum dagskrá laugardagsins með zazen, eða sitjandi hugleiðslu, kl. 9:00 og sitjum í 40 mínútur. Við notum sama Zoom kenni fyrir hugleiðslu á laugardög-um og við notum fyrir iðkun á öðrum dögum.

Leshringurinn er svo í beinu framhaldi frá kl. 9:45. Endilega takið þátt í leshringnum með því að smella á hnappinn hér að neðan, notist við neðangreint Zoom kenni eða hlekk. Athugið að þetta er annað kenni en fyrir zazen, og núna í haust fór Zoom að krefjast þess að gefið væri upp lykilnúmer:

Nátthagi Leshringur
Zoom kenni: 871 4767 4658
Zoom lykilnúmer: 000000 (6 núll)
Zoom hlekkur: https://us02web.zoom.us/j/87147674658

Athugið! að þetta er ekki sama Zoom kenni og við notum fyrir hugleiðsluna.

Allt eins og það er; Leshringur á Zoom

Þegar við lifum lífum okkar rótföst í þessum skilningi gæti sitthvað verið stórt eða það gæti verið smátt. Ef það er stórt, allt í góðu, það er stórt; og ef það er smátt þá er það smátt. Allur samanburður er óþarfur. Það er bara allt eins og það er og það er lífgefandi. -Kwong-roshi

Djúpt Gassho.

Brosið þitt, bros heimsins - Zenki í beinni á fésbókinni

11/11/2020

Næstkomandi laugardag þann 14. nóvember mun Zen kennarinn Ástvaldur Zenki flytja fyrirlesturinn "Brosið þitt, bros heimsins" í beinu streymi á fésbókarsíðu Zen á Íslandi - Nátthaga. Fyrirlesturinn er öllum opinn og hefst stundvíslega kl. 10:00.

"Ekkert er lífinu óviðkomandi. Það er dýpra en við getum ímyndað okkur og dýpra en hægt er að segja eða skilja. Þegar betur er að gáð getum við séð að lífið er ein órofa heild - það sem kemur fyrir þig kemur fyrir alla. Þegar þú brosir þá brosir allur heimurinn." -Ástvaldur Zenki

Eins og áður segir þá eru allir innilega velkomnir á fyrirlesturinn. En dagskrá laugardagsins hefst með sitjandi hugleiðslu á Zoom kl. 09:00, sjá upplýsingar um Zoom aðgengi hér á heimasíðu okkar. Hlakka til að sjá ykkur öll á laugardaginn.

Virk þátttaka í tapi; Leshringur með Brynjari Shoshin

5/11/2020

Næstkomandi laugardag 7. nóvember mun Zen á Íslandi - Nátthaga halda leshring á Zoom. Í þetta sinn lesum við kaflann "Virk þátttaka í tapi" úr bókinni "Ekkert upphaf, enginn endir" eftir Jakusho Kwong-roshi í þýðingu Brynjars Shoshin.

Við byrjum dagskrá laugardagsins með zazen, eða sitjandi hugleiðslu, kl. 9:00 og sitjum í 40 mínútur. En leshringurinn er svo í beinu framhaldi frá kl. 9:45. Allir eru velkomnir og við vonumst til að sjá ykkur sem flest.

Takið þátt með því að smella á hnappinn hér að neðan, notist við neðangreint Zoom kenni eða hlekk. Athugið að þetta er annað kenni en fyrir zazen og núna í haust fór Zoom að krefjast þess að gefið væri upp lykilnúmer:

Virk þátttaka í tapi
Zoom kenni: 814 0223 4996
Zoom lykilnúmer: 000000 (6 núll)
Zoom hlekkur: https://us02web.zoom.us/j/81402234996

Virk þátttaka í tapi; Leshringur á Zoom

Að taka öllu eins og það er er tap. Að vera í augnablikinu er tap. Við erum að tapa hverju augnabliki lífs okkar. Hverju töpum við? Við töpum sjálfhverfni okkar, sjálfsbindingum okkar, hugmyndum okkar, skilyrðingum okkar. -Kwong-roshi

Djúpt Gassho.

Að snerta hughjartað - Ástvaldur Zenki á Storytel

25/10/2020

Að snerta hughjartað er fimm þátta sería á Storytel þar sem Ástvaldur Zenki fjallar um Zen iðkun á einlægan hátt. Þættirnir veita dýrmæta innsýn í Zen Búddisma og gildi iðkunarinnar í hversdagslegu lífi. En þar segir Zenki meðal annars:

Það kemur flestum á óvart þegar þeir kynnast zazen hugleiðslu eða núvitundariðkun að zazen er ekki aðferð til að losna við neitt eða breyta neinu sem er, heldur til að sjá það sem er. Við förum í zazen og stundum hugleiðslu til að mæta sjálfum okkur og finna hvernig það er að vera á lífi núna og leyfa því að gerast.

Þættina má nálgast á Storytel og með hlekknum hér:

https://www.storytel.com/is/is/series/43385-A-snerta-hughjarta

Vonum við að sem flesti ykkar getið notið vel.

Styrkurinn í mýktinni, fyrirlestur á fésbókinni

14/10/2020

Næstkomandi laugardag 17. október 2020 mun Zen kennari okkar Ástvaldur Zenki flytja fyrirlesturinn "Styrkurinn í mýktinni" í beinu streymi á fésbókarsíðu Zen á Íslandi - Nátthaga. Fyrirlesturinn er öllum opinn og hefst stundvíslega kl. 10:00.

"Í zazen hugleiðslu iðkum við mjúka og opna athygli og við finnum hvernig það er að vera til akkúrat núna og leyfum því að gerast, meðtökum stundina í mýkt. Í þessari mjúku og opnu athygli finnum við styrk lífsins, okkar eigin styrk til að takast á við allt það sem mætir okkur í daglegu lífi. Ekki síst á erfiðum tímum sem nú þegar reynir á styrk og úthald okkar allra."

Áður en fyrirlesturinn hefst á laugardaginn þá iðkum við hugleiðslu frá kl. 09:00 í 40 mínútur. En í stað þess að sitja saman að Kletthálsi eins og venjan er þá situr hver heima hjá sér. Með þessu fyrirkomulagi sýnum við í verki samfélagslega ábyrgð og um leið stuðning hvert við annað.

Í djúpu gassho vonumst við til að sjá ykkur öll.

[BEINT STREYMI] Hugleiðsla Nátthaga

6/10/2020

Í ljósi nýjustu frétta af COVID-19 faraldrinum og hertum aðgerðum stjórnvalda á höfuðborgarsvæðinu hefur stjórn Zen á Íslandi - Nátthaga ákveðið að dagleg iðkun okkar fari fram með notkun Zoom. En við munum sitja á sömu tímum og við erum vön að sitja uppi á Kletthálsi 1. Dagskráin verður eins og hér segir:

Takið þátt með því að smella á hnappinn hér að neðan, notist við neðangreint Zoom kenni eða hlekk. Athugið breytt kenni frá því í vor og að núna í haust fór Zoom að krefjast þess að gefið væri upp lykilnúmer:

Zazen @ Nátthagi
Zoom kenni: 847 6507 5564
Zoom lykilnúmer: 000000 (6 núll)
Zoom hlekkur: https://us02web.zoom.us/j/84765075564

Zazen hjá Zen á Íslandi - Nátthaga

Þó að hornsteinn iðkunar okkar sé að hittast og iðka saman sem Sanga þá er iðkun okkar án landamæra. Heimurinn og þú eruð eitt, það sem þú gerir fyrir sjálfan þig gerirðu fyrir heiminn líka. -Ástvaldur Zenki

Djúpt gassho og okkur hlakkar til að sjá ykkur sem flest.

Frestun allra viðburða Nátthaga þar til betur árar

2/10/2020

Kæru iðkendur hjá Nátthaga,

Vegna COVID-19 faraldursins hefur stjórn Nátthaga ákveðið að halda daglegri iðkun gangandi eins og venjan er en fresta öllum öðrum dagskrárliðum þar til betur árar í samfélaginu.

Núna er gott tækifæri til þess að hafa skýran fókus á daglegri iðkun og leita skjóls í Búdda, Darma og Sanga. Dagleg iðkun Zazen með öðru fólki er án efa það besta sem hver og einn getur gert, ekki síst á erfiðum tímum þar sem óvissa, ótti og óöryggi ráða ríkjum.

Kjarni Zen iðkunar er að hafa trú á lífið og horfast í augu við okkur sjálf og tilveruna eins og hún birtist okkur.

Stjórn Zen á Íslandi - Nátthaga

Námskeiði og setudegi frestað!

22/9/2020

Námskeiðinu sem hefjast átti á fimmtudaginn og setudeginum á laugardaginn hefur verið frestað. Þetta er gert í ljósi stöðunnar á fjölgun COVID-19 smita síðustu daga hér á landi.

Hins vegar verður opið og setið samkvæmt dagskrá
(einnig á laugardaginn, en það er ekki setudagur).

Við biðjum þá sem koma að huga vel að sóttvörnum, þvo hendur og/eða spritta þegar komið er inn og passa vel upp á fjarlægðarmörk.

Eins og í allri okkar iðkun snýst þetta um vakandi athygli. Við gefum rýmið og þiggjum það á sama andartaki.

Með því að leita skjóls í Búdda, Dharma og Sangha stígum við til hliðar og gefum okkur á vald fjársjóðanna þriggja, sem eru endalaus uppspretta sköpunar, visku og kærleika.