|
Sesshin hugleiðsludagar Nátthaga hefjast miðvikudag 20. maí og standa til og með laugardeginum 23. maí í aðsetri Zen á Íslandi - Nátthaga að Kletthálsi 1, 2. hæð. Við bregðum út af hefðinni í ár og höldum Borgarsesshin að vori, en í haust verður haldið heillrar viku Sveitasesshin.
Í sesshin æfum við okkur í þögn og athygli í öllum athöfnum, með skýru formi og hlýjum stuðningi Söngunnar. Á laugardeginum dýpkum við iðkunina enn frekar með heilum setudegi sem sameinar orkuna úr vikunni í eina heild. Þetta er frábært tækifæri fyrir alla, bæði fyrir byrjendur og þá sem vanir eru: að næra tengsl sín við Búdda, Sönguna og Darmað, fá ferskt sjónarhorn á streitu og hraða dagsins, og finna hvernig iðkunin getur orðið lifandi hluti af lífi okkar hér og nú. Skráning fer fram á heimasíðu okkar hér: Borgarsesshin 2026 - Zen á Íslandi (þið getið líka smellt bara á hnappinn). Þátttökugjaldið er 10.000 kr. og bankakrafa verður stofnuð þegar skráning hefur farið fram. Sem sagt, dagskráin hefst á miðvikudagskvöldið 20. maí kl. 19:30 með sitjandi hugleiðslu, inngangsorðum og leiðbeiningum til þátttakenda. Síðan tekur dagskráin við eins og hér segir. Athugið að Oryoki máltíð mun fara fram á laugardeginum. Þeir sem ekki eiga oryoki skálar eru beðnir um að tilgreina það við skráningu (sjá skráningaform).
Full dagskrá Borgarsesshins er hér fyrir neðan: Miðvikudagurinn 20. maí • 19.30 Zazen • 19:45 Leiðbeinandi opnun • 20.05 Kinhin • 20.15 Zazen • 20.50 Heitin fjögur Fimmtudagurinn 21. maí & Föstudagurinn 22. maí • 07:00 Zazen • 07:35 Kinhin • 07:45 Zazen • 08:20 Kyrjun Iðkun í dagsins önn • 19:30 Zazen • 20:00 Kinhin • 20:10 Zazen • 20:40 Heitin fjögur Laugardagurinn 23. maí • 07:00 Zazen • 07:35 Kinhin • 07:45 Zazen • 08:20 Kyrjun • Oryoki & hlé • 10:00 Samu / Vinnuiðkun • 10:45 Morgunkaffi • 11:15 Zazen • 11:45 Kinhin • 11:55 Zazen • 12:25 Kyrjun • Oryoki & hlé • 13:30 Zazen • 14:00 Kinhin • 14:10 Zazen • 14:40 Heitin fjögur & kveðjuhringur
0 Comments
Næstkomandi laugardag 18. apríl 2026 mun Alfred Chozetsu flytja fyrirlesturinn "Svipur hins upprunalega" að Kletthálsi 1, 2. hæð. Fyrirlesturinn er öllum opinn og hefst stundvíslega kl. 9:15.  Í ræðunni er ljóð Dogens, Svipur hins upprunalega, haft að leiðarljósi og spurt hvað það segi okkur um veruleikann sem birtist áður en við festum hann í nöfn, hugmyndir og hluti. Þar er horft til þess að heimurinn sem við sjáum sé ekki allt sem er, að veruleikinn sé ekki fast form heldur virkni í sífelldu flæði, og að tíminn sé hluti af þeirri sömu hreyfingu fremur en eitthvað sem stendur utan við hana. Umræðan snertir því á öllu sem er: skynjun, efni, tóm, tíma, trú, daglegu lífi og því hvernig við lærum að vera til staðar í heimi sem er lifandi og óstöðvandi á sama tíma.
Við munum sitja hugleiðslu frá kl. 08.00 og svo hefst fyrirlesturinn kl. 9:15. Í djúpu gassho vonumst við til að sjá ykkur öll.
„Hin miklu lífsgildi Búddha eru varðveitt af þeim sem hafa vaknað. Búddar miðla þeim til búdda; kennarar miðla þeim til kennara. Að taka á sig þessi lífsgildi fer út fyrir fortíð, nútíð og framtíð; vakningin heldur áfram stöðugt frá fornum tímum til dagsins í dag. Shakyamuni Búdda færði þessi lífsgildi til Mahākāśyapa, og Mahākāśyapa færði þau til Ānanda. Þannig hafa þau verið flutt frá kynslóð til kynslóðar. Þegar maður leitar hælis í Búdda, Dharma og Sangha, opnast leiðin til lífsgilda allra búddha." – Eihei Dōgen Zenji, Kyojukaimon Þrjár djúpar beygjur. Gassho.
Þegar þið sláið bonsho bjölluna fæðið þið eða skapið leið fyrir Búdda að birtast. Djúpt Gassho.
Tveir stjórnarmenn hafa lokið störfum í stjórn félagsins og munum við því kjósa stjórnarmenn á þessum aðalfundi. Þar að auki munum við kjósa varamann og skoðunarmann. Til þeirra er vilja bjóða sig fram þá er velkomið að vera í sambandi við forstöðumann, stjórnarmenn, fráfarandi varamann eða skoðunarmann, til að kynna sér starfið. Framboð þurfa ekki að berast fyrir fundinn - það nægir að lyfta upp hendi þegar kallað verður eftir framboðum. Til þeirra er vilja gera tillögu að lagabreytingu þá óskum við eftir að ferli lagabreytinga sem sett hefur verið upp sé fylgt, og að slíkum tillögum að lagabreytingum verði komið til okkar eigi síðar en fimm (5) dögum fyrir aðalfund. Til viðbótar við þessa tilkyningu hér munum við senda aðra tilkynningu þremur (3) dögum fyrir aðalfund og munu öll gögn fyrir fundinn þá vera aðgengileg og þau kynnt í þeirri tilkynningu. Við munum sitja hugleiðslu frá kl. 8:00 og aðalfundurinn hefst kl. 10:00. Í anda Zen. Alfred Chozetsu forstöðumaður Zen á Íslandi - Nátthaga Næstkomandi laugardag 28. febrúar 2026 mun José Kōkai flytja darmaræðu að Kletthálsi 1. Fyrirlesturinn er öllum opinn og hefst stundvíslega kl. 9:15. Kokai hefur ævilanga reynslu í Zen, Vajrayana og Pure Land og er vígður prestur í Shin-hefðinni. Hann kennir hugleiðslu og darmað af djúpri þekkingu og við erum heppin að fá hann í heimsókn og hlökkum til að hlýða á hann næsta laugardag.
Allir eru hjartanlega velkomnir á ræðuna. Athugið að aðgangur er ókeypis. Að venju hefst dagskrá laugardagsins með sitjandi hugleiðslu kl. 08:00.
Í djúpu gassho vonumst við til að sjá ykkur öll. -Alfred Chozetsu
Allir eru velkomnir og við vonumst til að sjá ykkur sem flest.
Djúpt Gassho.
Allir eru hjartanlega velkomnir á ræðuna. Athugið að aðgangur er ókeypis. Að venju hefst dagskrá laugardagsins með sitjandi hugleiðslu kl. 08:00.
Í djúpu gassho vonumst við til að sjá ykkur öll. -Alfred Chozetsu Í ágúst á síðasta ári tilkynnti Kwong Roshi að Ástvaldur Zenki tæki við sem ábóti Zen á Íslandi – Nátthaga í takt við ný lög félagsins. Næstkomandi laugardag frá kl. 15–17 ætlum við að fagna þessum áfanga og að Zenki sé formlega orðinn ábóti Zen á Íslandi – Nátthaga.  Ástvaldur Zenki hefur stundað Zen‑hugleiðslu undir handleiðslu kennara okkar og stofnanda Zen á Íslandi – Nátthaga, Jakusho Kwong Roshi, allt frá árinu 1998. Zenki hlaut jafnframt þjálfun í Japan árin 2016 og 2019 og í kjölfarið vígslu í tveimur höfuðklaustrum Sótó Zen búddismans: Sōjiji og Eiheiji. Árið 2018 hlaut Zenki síðan dharma transmission frá Kwong Roshi. Í slíkri athöfn er kennslan flutt frá kennara til nemanda í óslitinni hefð sem spannar rúmlega 2500 ár. Allur alheimurinn raungerist hér og nú, augnablik eftir augnablik, í fullkomnum samruna hinsa algilda og hins afstæða, algerlega ferskur og alltaf nýr: vetur, sumar, vor og haust. Alltaf. Þetta er gjöfin okkar, lífið okkar og það er svo sannarlega til þess vinnandi að læra að þekkja það og meta til fulls. -Zenki Athöfnin á laugardag er táknræn þar sem við, sem Sangha, tökum á móti nýjum ábóta og opnum þannig nýjan kafla í sögu félagsins. Saman stígum við inn í framtíðina með íslenskum ábóta sem mun leiða og þróa iðkun okkar á komandi árum. Í athöfninni mun Kwong Roshi ávarpa okkur á Zoom, tónlist mun óma og að henni lokinni njótum við kaffis/te og með því.
Með von um að sem flest ykkar sjái sér fært að vera með okkur 🌿🙏  Við sitjum Rohatsu nk. föstudag 5. desember. Við höldum upp á uppljómunardag Búdda með því að koma saman og sitja Zazen frá kl. 21:00 til 01:00.
Búdda sat undi bódítrénu og þegar eldaði af degi sá hann morgunstjörnuna og morgunstjarnan sá hann. Uppljómun Búdda var djúp og byltingarkennd, hann sá hvernig allur alheimurinn rís samtímis, akkúrat hér og nú. Það opinberaðist fyrir honum að allt er innbyrgðis tengt, ekkert getur komið fyrir eitt nema að það komi fyrir allt. Allur alheimurinn í einu blómi. Þannig fyllir okkar iðkun út í allan alheiminn og hefur djúp og umbreytandi áhrif. Eins og gárur sem bylgjast um yfirborð vatns og fylla út í hvern krók og kima. Slík iðkun er besta gjöfin sem þú getur gefið sjálfum þér og öðrum. Við sitjum saman í þögninni og fyljgum andardrættinum og ef líkaminn kallar er hægt að standa upp og halda áfram að fylgja andardrættinum í kinhin (gönguhugleiðslu). Dýrmætið fels í að deila þessari stund saman með öllum alheiminum Gassho, Myoji |
Eldra
May 2026
HöfundurZen á Íslandi Efni |
| Zen á Íslandi | Fréttir og tilkynningar |
RSS Feed
|
Vertu vinur okkar á Facebook
|
Bankareikningur
kt. 491199-2539 reikn. 111-26-491199 |