Gefin hefur verið út fréttatilkynning þar sem segir meðal annars að Thich Nhat Hanh sé nú í stöðugu ástandi, eftir heilablóðfall í síðustu viku. Fréttatilkynningin segir einnig:

Fylgst er grant með Thay af mikilsvirtum taugasérfræðingum og hann fær nú bestu aðhlynningu sem völ er á. Nýjustu rannsóknir gefa til kynna að ástand hans sé stöðugt og hann sýnir góðar, en hægar, framfarir, sem sé mikilvægt á þessum tímapunkti á bataferli hans. Svæðið þar sem blæðingin varð hefur ekki stækkað og öll lífsmörk séu innan eðlilegra marka.

Í gær gaf Plum Village út yfirlýsingu þar sem segir að Thich Nhat Hanh hafi orðið fyrir alvarlegri heilablæðingu á þriðjudaginn var. Fréttir herma að hann sé enn á gjörgæslu en sé farinn að sýna full viðbrögð og er það talin góð vísbending um að fullur bati kunni að vera möguleiki.

Thich Nhat Hanh er víetnamískur Zen búddisti og munkur, kennari, rithöfundur og friðarsinni. Hann býr í Plum Village Monastery í Dordogne héraðinu í suður Frakklandi en ferðast mikið, heldur fyrirlestra og leiðir Zen hugleiðslur. Thich Nhat Hanh varð 88 ára í síðasta mánuði og heilsu hans hefur hrakað núna í haust.

Yfirlýsingin frá Plum Village biður iðkendur að senda orku lækningar til Thich Nhat Hanh, þar segir: "Við skulum öll, sama hvar í heimi við erum, leita hælis í iðkun okkar og senda þannig heilt fljót læknandi orku til Thay. Við erum öll hluti hins mikla Sangha sem Thay hefur tileinkað lífi sitt."

Kæru félagar,

Á laugardaginn næstkomandi kl.10:15 verður fjórði leshringur vetrarins.

Við höldum áfram þar sem frá var horfið að lesa kaflann um Hjartasútruna úr  "Living by Vow," eftir Shohaku Okumura. Í þessum næsta hluta kaflans fjallar Okumura Roshi ma. um tómið í búddismanum út frá nokkuð fræðilegu sjónarmiði, og vísar hann þar í indverska meistarann Nagarjuna, einn merkasta kennara í sögu Mahayana hefðarinnar.

Sjáumst þá - og endilega mæta í hugleiðslu áður, sem hefst kl. 8:00.

Í Gassho
Mikhael Zentetsu.

Textar:
Hljómur tómsins (tekið fyrir áður)
Opinberun Hjartasútrunnar (tekið fyrir síðast)
Hver er Avalokitesvara? (tekið fyrir síðast)
Frá báðum hliðum (tekið fyrir núna)
Tómið - fræðilega séð (tekið fyrir núna)
Iðkun tómsins (tekið fyrir síðar)