Blog Archives

Að skapa framtíðina

22/11/2017

Á laugardaginn næstkomandi kl. 10:15 verður sjötti og jafnframt síðasti leshringur haustannarinnar í Zen á Íslandi - Nátthaga. Við munum halda áfram að lesa úr bókinni Each Moment Is the Universe eftir Dainin Katagiri. En nú lesum við saman úr 5. hluta bókarinnar, í þýðingu Gyðu Myoji.

Í þessum hluta bókarinnar ræðir Katagiri-roshi um karmað og lögmálið um orsök og afleiðingu. Karma okkar skapast af meðvituðum gjörðum og með því má útskýra hvernig við höldumst sífellt í samsara. En leið Búdda, og sérstaklega hin áttfalda leið, sýnir okkur leiðina úr samsara.

Katagiri-roshi segir:

Kenningin um karma er kennsla Búdda um hvernig við getum skilið mannlegt líf og það hvernig lífið líður í átt til framtíðar. Þetta er efni sem mikilvægt er að skoða til þess að við getum áttað okkur betur á hvernig við eigum að lifa í þessum heimi.

Við byrjum dagskrá laugardagsins með sitjandi hugleiðslu kl. 08:00, en leshringurinn tekur við að henni lokinni eins og venja er. Allir eru velkomnir.

0 Comments

Ef ekki nú þá hvenær?

15/11/2017

0 Comments

Næsta laugardag, 18. nóvember frá kl. 09:15 - 10:15, mun Ástvaldur Zenki flytja Dharma ræðu í húsakynnum Nátthaga að Grensásvegi 8, 4.hæð. Yfirskrift ræðunnar er "Ef ekki nú þá hvenær?".

Þetta svar, eða spurningu, má finna í Tenzo Kyōkun, eftir Dōgen, en þar segir Dōgen meðal annars frá því þegar hann hitti munkinn Lu frá Qingyuan fu sem var tenzo í Tiantong-jingde-si. Sagan segir að Dōgen hafi verið á gangi þegar hann kemur að þar sem Lu er að þurrka sveppi í sólinni.

Dōgen spyr:
Heiðvirði herra, ég sé að þú gengur Veginn með vinnu þinni. En samt, af hverju ertu að þessu núna þegar sólin er svona heit?"

Munkurinn svarar:
Ef ekki nú þá hvenær?

Zenki leggur út frá þessum samskiptum munksins og Dōgen í ræðu sinni á laugardaginn. Allir eru hjartanlega velkomnir og aðgangur er ókeypis. Athugið að dagskrá laugardagsins hefst með sitjandi hugleiðslu kl. 08:00.

0 Comments

Þetta augnablik er líka alheimurinn!

8/11/2017

0 Comments

Næsta laugardag 11. nóvember kl. 10:15 höldum við áfram að lesa valda kafla úr þriðja hluta bókarinnar Each Moment Is the Universe eftir Dainin Katagiri, í íslenskri þýðingu Brynjars Shoshin.

Í bókinni bendir Katagiri-roshi okkur á að íhuga forgengileika allra hluta, augnablikið sjálft og ómöguleika fortíðar og framtíðar. Hann fjallar um tímann sem okkar innri veru og hvernig hann birtist okkur í stanslausum breytingum í okkur sjálfum og umhverfi okkar. Þessar hugmyndir eru ekki á neinn hátt óhlutgerð frumspeki, þar sem hvert okkar getur upplifað raunveruleikann með hugleiðsluna eina að vopni. Katagiri-roshi segir í bókinni:

Iðkun er eins og sía: á annarri hliðinni er hversdagslegt líf og á hinni hliðinni er bein reynsla af raunveruleikanum. Þessi sía er ekki einvörðungu tæki – hún verður að vera virk. Eitthvað verður að síast í gegn. Þetta er ekki spurning um að ræða hlutina; við verðum að vera lifandi! Við verðum að aðhafast!

Við byrjum dagskrá laugardagsins eins og venjan er með sitjandi hugleiðslu kl. 08:00 og allir eru velkomnir.

0 Comments

Fréttir og tilkynningar

Að skapa framtíðina

Ef ekki nú þá hvenær?

Þetta augnablik er líka alheimurinn!

Eldra

Höfundur

Efni