​Kæru félagar, ​Markmið Zen á Íslandi - Nátthaga er að starfrækja og viðhalda iðkun Sótó Zen búddismans á Íslandi. En starfsemi Nátthaga byggir alfarið á sjálfboðavinnu félagsmanna og erum við innilega þakklát öllum þeim félögum sem lagt hafa sitt að mörkum til að gera dagskrá og sögu félagsins eins langa og glæsilega og raun ber vitni. Þar að auki berast allar fjárhagslegar tekjur félagsins sem félagsgjöld frá iðkendum, sem styrkir frá styrktaraðilum og sem sóknargjöld frá hinu opinbera. Án alls þessa væri félagið ekki það sem það er í dag. ​

Til vakningar, blessunar og verndar fyrir allar verur

Við hjá Zen á Íslandi - Nátthaga viljum þakka öllum kærlega fyrir samveruna á síðasta ári. Við gerðum margt skemmtilegt saman; til viðbótar við að selja Grensásveg 8 þá komum við saman í mörgum leshringjum, til að hlusta á ræður og kennslu kennara okkar og gesta, sátum bæði vorsesshin og borgarsesshin, hittumst á afmæli Búdda og sátum fram á miðja nótt til að halda upp á Rohatsu. Og auðvelt er að spá því að á næsta ári munum við enn og aftur koma saman á mörgum spennandi viðburðum og ég hlakka svo sannarlega til að sjá ykkur öll á nýju ári. Spennandi ár framundan.

​Í dag er byrjun nýs árs, en líka dagur þriggja morgna. Ég segi dagur þriggja morgna því það er byrjun nýs árs, byrjun nýs mánaðar og byrjun nýs dags.
[...]

​Segjum sem svo að einhver [munkur] spyrði mig hvort það væri einhver Búdda kennsla [eða raunveruleiki eða raunveruleg þýðing] í upphafi nýs árs, eða ekki? Þá myndi ég svara: Það er. Segjum að munkurinn myndi þá spyrja, "Hver er Búdda kennslan í upphafi nýs árs?" Þessi fjallamunkur [Dogen sjálfur] myndi þá svara: Megi hver og einn, sitjandi eða standandi, taka við tíu þúsund blessunum. Segjum þá að munkurinn segi, "Úr því svo er, í samræmi við þessi svör, mun ég nú iðka." Þá myndi þessi fjallamunkur segja við hann: Ég hef í dag haldið yfirburðum yfir yfirburði. Nú vinsamlegast iðkið.