Blog Archives

Gjafabréf á hugleiðslunámskeið

22/12/2018

Langar okkur að kynna fyrir ykkur fjögurra vikna hugleiðslunámskeið hjá Zen á Íslandi - Nátthaga. Námskeiðið heitir Andinn sópar hugann og hentar bæði byrjendum sem lengra komnum. Það hefst 7. mars og er einu sinni í viku í fjórar vikur.

Efni námskeiðsins er byggt á hljóðbókinni Breath Sweeps Mind eftir Jakusho Kwong-roshi kennara okkar. En leiðbeinendur á námskeiðinu eru Ástvaldur Zenki og Gyða Myoji, sem bæði hafa hlotið prestsvígslu hjá Kwong-roshi, en Zenki gegnir stöðu kennara í Nátthaga.

Kennt er í aðsetri Zen á Íslandi og er námskeiðið öllum opið, óháð trúar- og lífsskoðunum. Þátttökugjald er 15.000 kr. en námskeiðið er ókeypis fyrir þá sem greiða árgjald í Nátthaga. Innifalið í þátttökugjaldi er dagleg hugleiðsluiðkun á meðan á námskeiðinu stendur.

Gjafabréf á námskeiðið er í boði í vefverslun Nátthaga.

Með ósk um gleðilega hátíð og blessunar á nýju ári.

0 Comments

Ný vefverslun Nátthaga

20/12/2018

0 Comments

Markmið Zen á Íslandi - Nátthaga er að starfrækja og viðhalda iðkun Sótó Zen búddismans á Íslandi og er því haldin úti öflug dagskrá allan ársins hring. Öll starfsemi Nátthaga byggir á sjálfboðavinnu félagsmanna og er ný vefverslun hluti af fjáröflun félagsins. Vefverslunin býður upp á ýmsan varning sem hefur með búddisma og hugleiðslu að gera, sem dæmi má nefna bækur, hugleiðslupúða, reykelsi og námskeið.

Sjá http://www.zen.is/verslun

0 Comments

Vetrarfrí Nátthaga hefst 16. desember

15/12/2018

0 Comments

Vetrarfrí Zen á Íslandi hefst á morgun 16. desember og stendur til 6. janúar 2019. Fyrsti setudagur á næsta ári er sem sagt mánudaginn 7. janúar 2019. Við bendum öllum á vordagskrá félagsins, en þar er að finna dag-setningar á komandi ræðum, leshringjum og öðrum við-burðum.

Viljum við óska öllum iðkendum nær og fjær gleðilegrar hátíðar og hlakkar okkur til að sjá ykkur á næsta ári.

0 Comments

ROHATSU föstudaginn 7. desember næstkomandi

2/12/2018

0 Comments

Rohatsu er japanska og vísar til dags uppljómunar Búdda og hefð er fyrir því að halda daginn hátíðlegan og sitja hugleiðslu inn í nóttina. Við hjá Zen á Íslandi - Nátthaga sitjum því hugleiðslu frá kl. 22:00 föstudagskvöldið 7. desember næstkomandi og til kl. 02:00 aðfararnótt laugardagsins.

Dagur uppljómunar Búdda er hátíðisdagur allra búddista. Þá höldum við uppá að Siddhartha Gautama uppljómaðist sem Shakyamuni Búdda. Sagan á bak við þennan dag uppljómunar er í raun saga búddismans. Hún er líka saga um andlegt ferðalag venjulegs manns til uppljómunar, svo og saga kennslu hans og þeirra aðferða sem hann kenndi okkur til að lifa lífinu. Þegar þessi maður, Siddhartha Gautama, fann leiðina til uppljómunar þá leiddist hann af braut þjáningar og endurfæðingar, inn á braut uppljómunar og varð þá þekktur sem hinn uppljómaði, Shakyamuni Búdda, eða bara Búdda.

Iðkendur sem ekki hafa setið Rohatsu velta því gjarnan fyrir sér hvort þetta sé ekki langur tími til að iðka sitjandi hugleiðslu, í 4 klukkustundir. En reyndin er sú, að sögn þeirra sem áður hafa setið Rohatsu, að tíminn breytist þegar maður situr zazen í langan tíma. Klukkustund getur virst sem tuttugu mínútur og tuttugu mínútur geta virst sem klukkustund. Við viljum því hvetja alla iðkendur til að mæta og upplifa Rohatsu með okkur núna í byrjun desember mánaðar.

Það er engin seta laugardagsmorguninn á eftir.

Hlökkum til að sjá ykkur sem flest á föstudagskvöldið.

0 Comments

Fréttir og tilkynningar

Gjafabréf á hugleiðslunámskeið

Ný vefverslun Nátthaga

Vetrarfrí Nátthaga hefst 16. desember

ROHATSU föstudaginn 7. desember næstkomandi

Eldra

Höfundur

Efni