 Við sitjum Rohatsu nk. föstudag 5. desember. Við höldum upp á uppljómunardag Búdda með því að koma saman og sitja Zazen frá kl. 21:00 til 01:00.
Búdda sat undi bódítrénu og þegar eldaði af degi sá hann morgunstjörnuna og morgunstjarnan sá hann. Uppljómun Búdda var djúp og byltingarkennd, hann sá hvernig allur alheimurinn rís samtímis, akkúrat hér og nú. Það opinberaðist fyrir honum að allt er innbyrgðis tengt, ekkert getur komið fyrir eitt nema að það komi fyrir allt. Allur alheimurinn í einu blómi. Þannig fyllir okkar iðkun út í allan alheiminn og hefur djúp og umbreytandi áhrif. Eins og gárur sem bylgjast um yfirborð vatns og fylla út í hvern krók og kima. Slík iðkun er besta gjöfin sem þú getur gefið sjálfum þér og öðrum. Við sitjum saman í þögninni og fyljgum andardrættinum og ef líkaminn kallar er hægt að standa upp og halda áfram að fylgja andardrættinum í kinhin (gönguhugleiðslu). Dýrmætið fels í að deila þessari stund saman með öllum alheiminum Gassho, Myoji
0 Comments
Undirbúningur þess efnis að uppfæra og nútímavæða lög trúfélagsins Zen á Íslandi - Nátthaga hefur staðið yfir í nokkur misseri og tók stjórn félagsins það upp á sína arma að setja á laggirnar laganefnd til þess að koma verkefninu áleiðis. Nefndin leitaði til félagsmanna með uppástungur að Lögfræðingi til aðstoðar og hefur Erna Guðmundsdóttir lögfræðingur verið nefndinni innan handar. Nefndinn skilaði svo drögum að nýjum lögum til stjórnarinnar síðastliðið vor. Í framhaldinu voru drög nefndarinnar send félagsmönnum á síðu iðkenda á Facebook og núna í haust var haldinn kynningafundur þar sem Erna Guðmundsdóttir fór yfir drögin með félagsmönnum á opnum fundi.
Þann 26. ágúst barst stjórn félagsins svo bréf frá Jakusho Kwong-Roshi um að Ástvaldar Zenki tæki nú við sem kennari/ábóti félagsins, en til að svo megi verða að öllu leiti þá þarf að breyta lögum félagsins því í þeim er Jakusho Kwong-Roshi nefndur kennari félagsins með nafni. Það er því vilji stjórnar félagsins að breyta lögum þess í takt við þau drög sem stjórn, laganefnd og félagsmenn hafa unnið að. Á sama tíma myndi Ástvaldur Zenki taka við sem ábóti félagsins og stíga út úr stjórn. Á fundinum myndum við því líka kjósa nýjan stjórnarmann í hans stað. Auka aðalfundur verður því haldinn eins og fyrr sagði laugardaginn 29. nóvember 2025 kl. 10:15 að Kletthálsi 1, 2. hæð. og er dagskrá hans sem hér segir: (Forstöðumaður býður gesti velkomna) (Kosning fundarritara) (Kosning fundarstjóra) 1. Inngangur Zenki 2. Kosning um ný lög félagsins 3. Kosning nýs stjórnarmanns 4. Önnur mál Við munum sitja hugleiðslu frá kl. 8:00 og fundurinn hefst kl. 10:15. Með von um að sjá ykkur sem flest. Í anda Zen.
Hugurinn er garður Djúpt Gassho.
Þann 29. nóvember verður svo haldinn auka aðalfundur þar sem ný lög verða borin upp til samþykktar. Samkvæmt nýjum lögum verður í framhaldinu kosinn nýr aðili í stjórn félagsins og Ástvaldur Zenki verður ábóti félagsins, enda hefur stjórn borist bréf frá Jakusho Kwong Roshi þar sem vilja hans til þess er lýst.
Við hvetjum alla til að mæta og taka virkan þátt í að styðja og styrkja við iðkun Soto Zen búddisma á íslandi þannig að iðkunin megi dafna og festa rætur enn frekar hér á landi um ókomna tíð. Við byrjum kl. 08:00 á Zen hugleiðslu og svo tekur fundurinn við kl. 10 og honum lýkur kl. 11:00.
 Laugardaginn 18. október frá kl. 07:00 - 15:00 er Dagur vakandi athygli hjá Zen á Íslandi - Nátthaga.
Kennari er Ástvaldur Zenki Að mæta sjálfum sér í þögn er góð gjöf og tækifæri til að staldra við og vera betur til staðar í annasömu hversdagslífi. Dagskrá: 07:00 Zazen (sitjandi hugleiðsla) 07:35 Kinhin (gönguhugleiðsla) 07:45 Zazen 08:20 Kyrjun - Oryoki (formlegur morgunverður) - Hlé 10:00 Samu / Vinnuiðkun 10:45 Morgunkaffi 11:15 Zazen 11:45 Kinhin 11:55 Zazen 12:25 Kyrjun - hádegismatur (óformlegur í þögn) 13:30 Zazen 14:00 Kinhin 14:10 Zazen 14:40 Heitin fjögur-Kveðjuhringur Verð kr. 7.000.- Skráning á [email protected] Ath. Frítt fyrir þá sem greiða félagsgjöld.  Ég vek athygli á Darmaræðu Helgu Kimyo Roshi á laugardaginn kemur, 11. október kl. 9:15.
Zazen er að venju kl. 8:00. Darmaræðan heitir því skemmtilega nafni: Hvaðan kemur allur þessi vindur? Allir eru velkomnir, enginn aðgangseyrir. Gassho, Zenki  Með því að læra að iðka hugleiðslu ræktum við smám saman með okkur vakandi huga og meðvitund í daglegu lífi og lærum að þekkja okkur sjálf á djúpan og náinn hátt. Að þekkja sjálfa sig á þennan hátt felur í sér fræ heilunar og kennir okkur að meta lífið sem við lifum.
Kennari er Ástvaldur Zenki Traustason, kennari Zen á Íslandi Hefst: 11. september 2025 Hvar: Klettháls 1, Reykjavík Tími: Fimmtudagar frá 17.30-19.00 Verð: 25.000 krónur Lengd: 4 skipti (lýkur 02. október ) Innifalið í námskeiðsgjaldi er þátttaka í allri dagskrá hjá Nátthaga á meðan námskeiðið varir og eru þátttakendur hvattir til að prófa að taka þátt í daglegri iðkun samkvæmt dagskrá. Þátttakendum er einnig velkomið að taka þátt í fræðsluviðburðum sem boðið er upp á: leshringjum, fyrirlestrum og fleiru. Námskeiðið er ætlað byrjendum sem lengra komnum og öllum þeim sem þrá að lifa lífinu lifandi og með vakandi athygli. Iðkun zazen er grundvöllur þess sem í daglegu tali kallast núvitund (e. mindfulness) eða vakandi athygli. Með því að læra að iðka Zazen ræktum við smám saman með okkur vakandi huga og meðvitund í daglegu lífi og lærum að þekkja okkur sjálf á djúpan og náinn hátt. Að þekkja sjálfa sig á þennan hátt felur í sér fræ heilunar og kennir okkur að meta lífið sem við lifum. Markmið námskeiðsins er m.a.: Að kenna öndun og vakandi athygli í zazen, sitjandi hugleiðslu. Að vinna með líkamann og auka líkamsvitund Að útbúa stað heima sem er ætlaður hugleiðslu. Að byggja upp hugleiðslurútínu í daglegu lífi Að læra hefðbundin iðkunarform í setusal Zen Búddista og iðka zazen með öðrum. Ath. Mörg stéttarfélög veita styrk fyrir námskeiðinu Allir eru hjartanlega velkomnir í nýtt húsnæði okkar að Kletthálsi 1 og er námskeiðið óháð trúar- eða lífsskoðunum.  Nú er hafið sumarfrí hjá Zen á Íslandi - Nátthaga. Í sumarfríi er ekki iðkun í Kletthálsi. Sumarfríi lýkur eftir verslunarmannahelgi.
- Gassho Ekai  Nú er sumardagskrá tekin við hjá Zen á Íslandi - Nátthaga
Ekki er iðkað á laugardögum í sumardagskrá en iðkun er eins og áður á mánudögum, miðvikudögum og fimmtudögum. Sumardagskrá lýkur í lok júní og þá tekur við sumarfrí sem er fram yfir verslunarmannahelgi. - Gassho - Ekai |
Eldra
December 2025
HöfundurZen á Íslandi Efni |
| Zen á Íslandi | Fréttir og tilkynningar |
RSS Feed
|
Vertu vinur okkar á Facebook
|
Bankareikningur
kt. 491199-2539 reikn. 111-26-491199 |