Hugleiðsludagar Zen á Íslandi - Nátthaga voru haldnir síðasta vor í Skálholti frá 11. - 15. maí 2016. Bragi Valdimarsson tók mikið af lifandi myndum við þetta tilefni og nú er búið að klippa til ræðu Roshi frá laugardeginum 14. maí. Þetta var frábær ræða og er enn betri þegar maður hlustar í annað sinn, eins og á við um flest Zen. Góðir hlutir taka góðan tíma. Njótið vel.

Þeim sem langar að horfa á meira þá má líka benda á Samræðufund Roshi, Nyoze og Sigríðar Þorgeirsdóttur sem haldinn var í Þjóðmenningarhúsinu nokkrum dögum síðar eða 18. maí 2016.

Í gassho,
Alfred Chozetsu

Á fundi, laugardaginn 14. janúar var ákveðið að breyta dagskránni okkar lítillega. Í stað morgun- og kvöldhugleiðslu á fimmtudögum þá verður eftirmiðdagshugleiðsla kl. 17:30. Nánar um daglega iðkun hér.

Hugleiðslunámskeiðið Andinn Sópar Hugann er ætlað jafnt byrjendum sem og iðkendum og meðlimum í Zen á Íslandi - Nátthaga. Námskeiðið mun byggja alfarið á hljóðbókinni Breath Sweeps Mind eftir Jakusho Kwong Roshi, kennara okkar í Zen á Íslandi, en við munum lesa saman valda kafla úr hljóðbókinni í íslenskri þýðingu. Nálgun Kwong Roshi er mjög ítarleg og gaumgæfileg og snýr að öllum hliðum Zen iðkunar. Við höfum ekki áður lagst í eins djúpa skoðun á kennslu kennara okkar og því hvetjum við alla félaga og áhugasama til þess að nýta sér þetta tækifæri.

Leiðbeinendur á námskeiðinu verða þau Ástvaldur Zenki og Gyða Myoji, sem bæði hafa hlotið prestsvígslu hjá Jakusho Kwong-roshi, kennara Zen á Íslandi – Nátthaga, auk þess sem Ástvaldur Zenki gegnir stöðu aðstoðarkennara í Nátthaga.
Námskeiðið hefst mánudaginn 16. janúar 2017, kl. 17:30 - 19:00
Lengd: 4 vikur
Tími: Mánudagar kl. 17.30 - 19.00 (lýkur 6. febrúar).

Kennt er í aðsetri Zen á Íslandi á Grensásvegi 8,  4.hæð. 
Námskeiðið er öllum opið, óháð trúar- og lífsskoðunum.

Þátttökugjald er 15.000kr. en námskeiðið er ókeypis fyrir þá sem greiða árgjald í Nátthaga.
Innifalið í þátttökugjaldi er dagleg iðkun á meðan á námskeiðinu stendur.

Skráning fer fram með því að senda tölvupóst á [email protected].