Blog Archives

Það er ekki eftir neinu að bíða!

27/9/2017

Kæru félagar,

Næsta laugardag, 30. september frá kl. 09:15 - 10:15, mun Ástvaldur Zenki halda Dharma ræðu í húsakynnum Nátthaga að Grensásvegi 8, 4.hæð. Yfirskrift ræðunnar er "Það er ekki eftir neinu að bíða!".

"Þrátt fyrir allt stendur kærleikurinn og hamingjan okkur til boða hér og nú. Við þurfum ekki að bíða eftir að eitthvað gerist seinna, allt sem gerist verður að gerast núna."

Allir eru hjartanlega velkomnir á ræðuna. Athugið að aðgangur er ókeypis. Að venju hefst dagskrá laugardagsins með sitjandi hugleiðslu kl. 08:00.

Í gassho,

-Alfred Chozetsu

0 Comments

Borgarsesshin 4. - 7. október

26/9/2017

0 Comments

Kæru félagar,

Sesshin hugleiðsludagar Nátthaga fara fram 4. - 7. október næstkomandi í aðsetri Zen á Íslandi að Grensásvegi 8. Eins og venja hefur skapast fyrir þá höldum við Borgarsesshin á haustin, þar sem við leitumst við að færa anda iðkunarinnar inn í amstur hversdagsins.

Sesshin hefst miðvikudagskvöldið 4. október kl. 19:30 með sitjandi hugleiðslu, inngangsorðum og leiðbeiningum til þátttakenda. Síðan komum við saman næstu tvo daga, á morgnana kl. 07:00 - 08:30 og kl. 17:00 - 20:45, og síðan laugardaginn 7. október frá kl. 07:00 - 16:00.

Þátttökugjald á sesshin er 10.000 krónur og skráning fer fram á Grensásveginum eða með því að senda póst á [email protected] fyrir mánudaginn 2. október næstkomandi.

Þeir sem ekki geta tekið þátt í öllum setunum eru beðnir um að láta vita að hve miklu leyti þeir munu taka þátt. Hægt að taka þátt aðeins á laugardeginum og kostar það 5.000 kr. Athugið líka að þeir sem greiða árgjald fá 10% afslátt af þátttökugjaldi.

Oryoki máltíðir munu fara fram á fimmtudags- og föstudagskvöld og á laugardeginum. Þeir sem ekki eiga oryoki skálar eru sömuleiðis beðnir um að láta vita við skráningu.

Full dagskrá Borgarsesshins er sem hér segir:

Miðvikudagur 4. október

19:30 Zazen
19:45 Leiðbeinandi opnun
20:05 Kinhin
20:15 Zazen
20:50 Heitin fjögur

Fimmtudagur 5. október og
Föstudagur 6. október

07:00 Zazen
07:35 Kinhin
07:45 Zazen
08:20 Kyrjun

- Iðkun í dagsins önn -

17:00 Zazen
17:30 Kinhin
17:40 Zazen
18:10 Kyrjun - Oryoki - Hlé

19:20 Zazen
19:55 Kinhin
20:05 Zazen
20:40 Heitin fjögur

Laugardagur 7. október

07:00 Zazen
07:35 Kinhin
07:45 Zazen
08:20 Kyrjun - Oryoki - Hlé

09:45 Samu / Vinnuiðkun
10:25 Morgunkaffi

11:00 Zazen
11:30 Kinhin
11:40 Zazen
12:10 Kinhin
12:20 Zazen
12:50 Kyrjun - Oryoki - Hlé

14:30 Zazen
15:00 Kinhin
15:10 Zazen
15:40 Heitin fjögur - Kveðjuhringur

Í anda Zen,

Alfred Chozetsu

0 Comments

Endanlegt skjól í Búdda, Dharma og Sangha; framhald

19/9/2017

0 Comments

Laugardaginn 23. september næstkomandi, frá kl. 10:15 - 11:15, fer fram leshringur í Nátthaga. Í þessum leshring höldum við áfram að lesa "Endanlegt skjól: Að leita athvarfs í Búdda, Dharma og Sangha" úr bókinni Living by Vow eftir Okumura Roshi, í íslenskri þýðingu Mikhael Zentetsu.

Okumura Roshi er einn af fáum japönskum Zen meisturum okkar tíma sem hafa flust vestur um haf til að kenna vesturlandabúum búddisma. Hann hefur einstaka sýn á búddisma bæði frá sjónarhóli fræðimennsku og iðkunnar. Hann er einn af fáum kennurum sem getur kennt vesturlandabúum hinn sanna kjarna hinnar miklu, en jafnframt óþýddu (og því að miklu leiti óaðgengilegu), japönsku Zen hefðar. Á sinn einstaka hátt blandar hann fræðilegri þekkingu sinni saman við ævilanga upplifun í zazen iðkun og kynnir þannig fyrir okkur texta Dogens í þessari bók.

En í kaflanum sem við lesum á laugardaginn segir Okumura meðal annars: "Athafnir okkar byggja á skilningi, skynjunum og skoðunum sem litast af vananum. Upphaf viskunnar er að gera sér grein fyrir því að sýn okkar er takmörkuð."

Allir eru velkomnir á leshringinn, en að venju hefst dagskrá laugardagsins með sitjandi hugleiðslu kl. 08:00.

0 Comments

Söngufundur laugardaginn 16. september

7/9/2017

0 Comments

Kæru félagar,

Nú er vetrardagskráin hafin og heilmikil starfsemi eins og venjulega. Það er við hæfi að sangan hittist í upphafi annar og líti til vetrarins sem framundan er. Hvernig getum við sem best ræktað garðinn okkar og hlúð að iðkuninni í Nátthaga?

Við hefjum fundinn á myndasýningu frá Ango á Sonomafjalli í ágúst síðastliðnum. Brynjar Shoshin og Gunnar Jörgen stýra myndasýningu en þeir voru á sínu fyrsta Ango á Sónómafjalli ásamt undirrituðum. Þetta var auðvitað stórkostlegur tími og mikil upplifun eins og myndirnar bera vitni um.

Laugardagurinn 16. september 2017:
08:00    Zazen
08:35    Kaffi og meðlæti
09:00    Myndasýning frá Ango á Sonomafjalli í ágúst 2017
09:30    Fundur
11:00    Fundi lýkur

Við eigum okkur sameiginlega tilveru með allri skynveru, deilum þessu andartaki með öllu sem er. Við megum ekki gleyma því að við lifum fyrir tilstilli allrar skynveru; gagnkvæmum stuðningi alls sem er. Iðkun okkar er til blessunar öllu lífi. Því finnst mér mikilvægt að allir komi á fundinn því án virkrar söngu er engin iðkun og engin uppljómun. Munum að Sanga er einn af fjársjóðunum þremur: Búdda, Dharma og Sanga.

Í gassho,
Zenki

0 Comments

Hugtakalaus athygli

5/9/2017

0 Comments

Laugardaginn 9. september næstkomandi frá kl. 09:15 - 10:15 mun Helga Kimyo halda ræðu í húsakynnum Nátthaga að Grensásvegi 8, 4.hæð. Yfirskrift ræðunnar er "Hugtakalaus athygli" og mun Kimyo fjalla um búddisma og Zen bæði nú og þá.

Helga Kimyo gegnir bæði hlutverki forstöðumanns og "Wisdom Holder" í Nátthaga, en fyrir tæpu ári síðan veitti Kwong Roshi, kennari trúfélagsins, Kimyo svokallað Dharma Transmission.

Allir eru hjartanlega velkomnir á ræðuna. Athugið að aðgangur er ókeypis. Að venju hefst dagskrá laugardagsins með sitjandi hugleiðslu kl. 08:00.

0 Comments

Zen byrjendanámskeið

5/9/2017

0 Comments

Nýtt byrjendanámskeið í Zen hugleiðslu hefst mánudaginn 11. september og stendur í 4 vikur. Kennt verður mánudagana 11., 18. og 25. september og mánudaginn 2. október frá kl. 17:30 - 19:00. Leiðbeinendur eru Ástvaldur Zenki og Gyða Myoji og námskeiðið er öllum opið, óháð trúar- og lífsskoðunum.

Þáttökugjald er 15.000 kr. og fer skráning fram með tölvupósti á [email protected]

En nánari upplýsingar má finna hér á síðu námskeiðsins.

0 Comments

Fréttir og tilkynningar

Það er ekki eftir neinu að bíða!

Borgarsesshin 4. - 7. október

Endanlegt skjól í Búdda, Dharma og Sangha; framhald

Söngufundur laugardaginn 16. september

Hugtakalaus athygli

Zen byrjendanámskeið

Eldra

Höfundur

Efni