Þegar maður lærir fyrst að sitja zazen þá getur maður ekki lært zazen til hlýtar, í heild sinni í einu höggi. Við byrjum því á að búta zazen niður í litla bita og fylgjum þeim í ákveðinni röð: að stjórna líkamanum (choshin), að stjórna andanum (chosoku) og svo að stjórna huganum (choshin). Í Eihei-koroku skrifaði Dogen: "Í zazen er mikilvægt að sitja í réttri líkamsstöðu. Næst skaltu stjórna andanum og svo róa þig niður." -Issho Fujita
Zazen hugleiðsla að Kletthálsi 1, 2. hæð
Mánudagar
kl. 17:30 - 18:50
(engin morgunseta)

Þriðjudagar
kl. 07:20 - 08:35
Miðvikudagar
kl. 07:20 - 08:35

Fimmtudagar
kl. 17:30 - 18:50
(engin morgunseta)
​Vinsamlegast athugið að dyrnar eru læstar þegar hugleiðsla hefst, nema á morgnana þegar iðkendur geta komið og farið við upphaf gangandi hugleiðslu (kl. 07:40) eða seinni hluta hugleiðslunnar (kl. 07:50).

Viðburðir í sumar 2021

Þriðjudaginn 1. júní
Sumardagskrá hefst
Öll dagskrá Zen á Íslandi - Nátthaga vorið 2021
Smelltu hér til að skoða alla dagskrá Zen á Íslandi.
Þar er að finna upplýsingar um komandi námskeið,
​ræður, leshringi og aðra viðburði.

Zen á Íslandi - Nátthagi

Zen á Íslandi - Nátthagi er búddískt félag í hinni japönsku Sótó Zen hefð og markmið félagsins er að starfrækja og viðhalda iðkun Sótó Zen búddismans á Íslandi. Iðkun Zen búddista kallast zazen, sem þýðir sitjandi hugleiðsla. Nátthagi býður félagsmönnum sínum og öllum öðrum að stunda zazen alla daga vikunnar nema sunnudaga. Félagið stendur einnig fyrir fyrirlestrum, leshringum, kynningum á hugleiðsluiðkun og lengri námskeiðum í Zen iðkun. ​ Öllum er velkomið að taka þátt í starfi Zen á Íslandi – Nátthaga, óháð trúarskoðunum, en þeir sem þess óska eru boðnir velkomnir í félagið. Aðsetur Nátthaga er að Kletthálsi 1, 110 Reykjavík.
TIL VAKNINGAR, BLESSUNAR OG VERNDAR FYRIR ALLAR VERUR
Kennari félagsins er Ástvaldur Zenki. Zenki, eins og hann er jafnan kallaður, hefur stundað Zen hugleiðslu undir handleiðslu bandaríska Zen-meistarans, og stofnanda Zen á Íslandi - Nátthaga, Jakusho Kwong Roshi síðan 1998. Zenki hefur allar götur síðan verið virkur iðkandi í Zen á Íslandi - Nátthaga og hefur farið árlega til Sonoma Mountain Zen Center í Kaliforníu þar sem Kwong Roshi býr.

Ástvaldur Zenki hefur auk þess fengið þjálfun í Japan árið 2016 og 2019 og í kjölfarið hlaut hann vígslu í tveimur höfuðklaustrum Sótó Zen búddismans í Japan: Sojiji og Eiheiji. Zenki er skráður og viðurkenndur prestur og kennari í hinni japönsku Sótó Zen hefð.

Árið 2018 hlaut Zenki svo dharma transmission frá Kwong Roshi. Í slíkri athöfn afhendir kennari kennsluna til nemanda síns eins og það hefur verið gert í meira en 2500 ár.
Allur alheimurinn raungerist hér og nú, augnablik eftir augnablik, í fullkomnum samruna hinsa algilda og hins afstæða, algerlega ferskur og alltaf nýr: vetur, sumar, vor og haust. Alltaf. Þetta er gjöfin okkar, lífið okkar og það er svo sannarlega til þess vinnandi að læra að þekkja það og meta til fulls. -Zenki
Öll starfsemi Nátthaga byggir á sjálfboðavinnu félagsmanna. En félagasmenn eru iðkendur, styrktaraðilar og trúfélagar. Fjárhagslegar greiðslur berast félaginu sem félagsgjöld iðkenda, styrkir frá styrktaraðilum og sóknargjöld frá hinu opinbera fyrir hvern skráðan trúfélaga.

Nýjustu fréttir

Sumardagskrá Zen á Íslandi - Nátthaga 2021
Þann 1. júní hefst sumariðkun Zen á Íslandi - Nátthaga og sitjum við þá mánudaga til fimmtudaga samkvæmt iðkunardagskrá.  Meira...

Beyond A Dream: Father & Son Conversations - á morgun 22. maí kl. 17:30
Stuttmyndirnar "Beyond A Dream: Father & Son Conversations Part, I & II" verða frumsýndar í beinu Zoom streymi frá SMZC á morgun kl. 17:30 í tilefni af alþjóðlegum fæðingardegi Búdda (Vesak) og 50 ára dánarafmæli Suzuki Roshi. Meira...

Aðalfundur Zen á Íslandi - Nátthaga 27. maí 2021
Aðalfundur trúfélagsins Zen á Íslandi - Nátthaga verður haldinn fimmtudaginn 27. maí næstkomandi í húsakynnum félagsins að Kletthálsi 1, 2.hæð. Fundurinn hefst kl. 19:00 eftir hugleiðslu sem hefst kl. 17:30. Meira...

Vorsesshin 2021: Stefnumót við lífið!
Vorsesshin Zen á Íslandi verður haldið í Skálholtsbúðum 12-16. maí 2021 undir yfirskriftinni Stefnumót við lífið! Meira...

​Allar fréttir frá Zen á Íslandi - Nátthaga
Ef þú vilt fá tölvupóst með upplýsingum um hvað sé að gerast hverju sinni þá getur þú líka skráð þig á póstlistann okkar hér.

Jakusho Kwong-roshi

Jakusho Kwong-roshi (f. 1935), stofnandi Zen á Íslandi - Nátthaga, er einn af arftökum Shunryu Suzuki-roshi. Hann byrjaði að iðka zen undir handleiðslu Suzuki-roshi árið 1960 og gerðist svo zen prestur 10 árum síðar og stofnaði Sonoma Mountain Zen Center í Kaliforníu árið 1973. Roshi kom fyrst til Íslands árið 1987 og hefur svo til komið árlega til landsins til að leiðbeina nemendum sínum í Zen á Íslandi - Nátthaga. Árið 1995 var honum veittur titilinn „Dendo Kyoshi“ eða Zen kennari af Soto Zen skólanum í Japan og er hann einn af níu Zen kennurum á Vesturlöndum sem hafa hlotið slíka viðurkenningu. Árið 2003 kom út bók Kwong-roshi sem ber heitið "No Beginning, No End" sem og hljóðbókin "Breath Sweeps Mind".
Félagsmenn Zen á Íslandi - Nátthaga eru allir sem taka þátt í starfi félagsins, bæði iðkendur, styrktaraðilar, trúfélagar og aðrir sem vilja viðhalda iðkun Sótó Zen búddisma á Íslandi.

Þroskatakkinn

​Það eina sem þú þarft að gera, dag eftir dag, er að ýta á þroskatakkann, rétt eins og að kveikja á sjónvarpinu og sjá alheiminn birtast á skjánum. Það getur verið þreytandi að ýta endalaust á þennan takka - það virðist út í hött. En við þurfum að ástunda þessa einföldu iðkun, sitja keik og iðka frá dýpstu hjartarótum. Það er okkar ábyrgð. Það er, að fylgja lífsgildunum. 
Þessi texti er úr bókinni The Light that Shines through Infinity eftir Dainin Katagiri og er hér birtur í þýðingu Jónu Shiko.
Vefverslun Zen á Íslandi - Nátthaga býður upp á ýmsan varning sem hefur með búddisma og hugleiðslu að gera. Sem dæmi má nefna bækur, hugleiðslupúða, reykelsi og námskeið.
​Hei þú! Hvað ertu að glápa? Veistu ekki að þetta snýst um þig?
Þessi tilvitnun er úr textanum Til þín eftir ​Kodo Sawaki-roshi í þýðingu Mikhael Zentetsu