Zen á Íslandi – Nátthagi

VIÐGERÐIR

Vegna óvæntrar frestunar gluggaviðgerða að Kletthálsi 1 frestast því miður upphaf iðkunar og haustdagskrár fram í september, mögulega jafnvel fram undir miðjan mánuð. Við látum vita um leið og nánari upplýsingar liggja fyrir.

Zen á Íslandi – Nátthagi er trú- og iðkunarfélag sem hefur það að markmiði að rækta og miðla Zen-búddisma af Soto-hefð á Íslandi, með áherslu á beina reynslu, daglega iðkun og lifandi tengsl við Búdda, Söngu og Darma. Félagið hefur yfir að ráða fallegu opnu og aðgengilegu iðkunarrými þar sem félagsmenn stunda zazen hugleiðslu, aðrar zen athafnir og fræðslu í anda einfaldleika, ábyrgðar og samkenndar. Félagið er samfélag iðkenda byggt á gagnkvæmum stuðningi, virðingu og siðferðilegri iðkun í daglegu lífi. Félagsmenn Zen á Íslandi – Nátthaga eru allir sem taka þátt í starfi félagsins, bæði iðkendur, styrktaraðilar, trúfélagar og aðrir sem vilja viðhalda iðkun Sótó Zen búddisma á Íslandi.

Zazen hugleiðsluiðkun
Kletthálsi 1

Mánudagar
kl. 18:00 – 19:20

Miðvikudagar
kl. 07:20 – 08:30

Fimmtudagar
kl. 18:00 – 19:30

Laugardagar (ekki í sumardagskrá)
kl. 08:00 – 09:40

Þegar maður lærir fyrst að sitja zazen þá getur maður ekki lært zazen til hlýtar, í heild sinni í einu höggi. Við byrjum því á að búta zazen niður í litla bita og fylgjum þeim í ákveðinni röð: að stjórna líkamanum (choshin), að stjórna andanum (chosoku) og svo að stjórna huganum (choshin). Í Eihei-koroku skrifaði Dogen: „Í zazen er mikilvægt að sitja í réttri líkamsstöðu. Næst skaltu stjórna andanum og svo róa þig niður.“ -Issho Fujita

Zen á Íslandi – Nátthagi

Zen á Íslandi – Nátthagi er búddískt félag í hinni japönsku Sótó Zen hefð og markmið félagsins er að starfrækja og viðhalda iðkun Sótó Zen búddismans á Íslandi. Iðkun Zen búddista kallast zazen, sem þýðir sitjandi hugleiðsla. Nátthagi býður félagsmönnum sínum og öllum öðrum að stunda zazen alla daga vikunnar nema sunnudaga. Félagið stendur einnig fyrir fyrirlestrum, leshringum, kynningum á hugleiðsluiðkun og lengri námskeiðum í Zen iðkun. ​ Öllum er velkomið að taka þátt í starfi Zen á Íslandi – Nátthaga, óháð trúarskoðunum, en þeir sem þess óska eru boðnir velkomnir í félagið. Aðsetur Nátthaga er að Kletthálsi 1, 110 Reykjavík.

TIL VAKNINGAR, BLESSUNAR OG VERNDAR FYRIR ALLAR VERUR

Kennari félagsins er Ástvaldur Zenki. Zenki, eins og hann er jafnan kallaður, hefur stundað Zen hugleiðslu undir handleiðslu bandaríska Zen-meistarans, og stofnanda Zen á Íslandi – Nátthaga, Jakusho Kwong Roshi síðan 1998. Zenki hefur allar götur síðan verið virkur iðkandi í Zen á Íslandi – Nátthaga og hefur farið árlega til Sonoma Mountain Zen Center í Kaliforníu þar sem Kwong Roshi býr.

Ástvaldur Zenki hefur auk þess fengið þjálfun í Japan árið 2016 og 2019 og í kjölfarið hlaut hann vígslu í tveimur höfuðklaustrum Sótó Zen búddismans í Japan: Sojiji og Eiheiji. Zenki er skráður og viðurkenndur prestur og kennari í hinni japönsku Sótó Zen hefð.

Árið 2018 hlaut Zenki svo dharma transmission frá Kwong Roshi. Í slíkri athöfn afhendir kennari kennsluna til nemanda síns eins og það hefur verið gert í meira en 2500 ár.

Allur alheimurinn raungerist hér og nú, augnablik eftir augnablik, í fullkomnum samruna hinsa algilda og hins afstæða, algerlega ferskur og alltaf nýr: vetur, sumar, vor og haust. Alltaf. Þetta er gjöfin okkar, lífið okkar og það er svo sannarlega til þess vinnandi að læra að þekkja það og meta til fulls. -Zenki

Nýjustu fréttir

Jakusho Kwong-roshi

Jakusho Kwong-roshi (f. 1935), stofnandi og fyrsti kennari Zen á Íslandi – Nátthaga, er einn af arftökum Shunryu Suzuki-roshi. Hann byrjaði að iðka zen undir handleiðslu Suzuki-roshi árið 1960 og gerðist svo zen prestur 10 árum síðar og stofnaði Sonoma Mountain Zen Center í Kaliforníu árið 1973.

Roshi kom fyrst til Íslands árið 1987 og hefur svo til komið árlega til landsins til að leiðbeina nemendum sínum í Zen á Íslandi – Nátthaga. Árið 1995 var honum veittur titilinn „Dendo Kyoshi“ eða Zen kennari af Soto Zen skólanum í Japan og er hann einn af níu Zen kennurum á Vesturlöndum sem hafa hlotið slíka viðurkenningu. Árið 2003 kom út bók Kwong-roshi sem ber heitið „No Beginning, No End“ sem og hljóðbókin „Breath Sweeps Mind„.

Þroskatakkinn

Það eina sem þú þarft að gera, dag eftir dag, er að ýta á þroskatakkann, rétt eins og að kveikja á sjónvarpinu og sjá alheiminn birtast á skjánum. Það getur verið þreytandi að ýta endalaust á þennan takka – það virðist út í hött. En við þurfum að ástunda þessa einföldu iðkun, sitja keik og iðka frá dýpstu hjartarótum. Það er okkar ábyrgð. Það er, að fylgja lífsgildunum.

​Hei þú! Hvað ertu að glápa? Veistu ekki að þetta snýst um þig?

Þessi tilvitnun er úr textanum Til þín eftir ​Kodo Sawaki-roshi í þýðingu Mikhael Zentetsu