Á laugardaginn kemur þann 24. febrúar 2018 verður leshringur í Zen á Íslandi - Nátthaga. Við munum þá lesa saman kafla úr bókinni Living by Vow eftir Shohaku Okumura, í þýðingu Mikhael Zentetsu. Í þessari ótrúlega góðu bók skoðar Okumura-roshi mjög nákvæmlega ríka hefð Zen kyrjunar og þær sútrur sem við kyrjum. Hann útskýrir sútrurnar mjög nákvæmlega og hvernig kyrjunin styður við hugleiðslu okkar og þau einlægu heit okkar að lifa lífi frelsis og samkenndar. Living by Vow er handbók Zen iðkandans, og Okumura leiðir okkur eins og gamall vinur, hann er skýrmæltur og talar beint út um persónulega meiningu sútranna. Þar að auki er hann mjög gjöfull á eigin dæmisögur um praktíska þýðingu þeirra, sem gefur bókinni persónulegt og fallegt yfirbragð.

DAI ZAI GEDAP - PUKU
MU SŌ FUKU DEN E
HI BU NYO RAI KYŌ
KŌ DO SHO SHU JŌ

Kufl frelsunar á sér engan endi
Velgjörð hans er án forms og litar
Íklædd honum sem sannleik
Frelsum við allar skynverur

Líkaminn og hugurinn eru samansöfn af mörgum mismunandi þáttum sem eiga sér stað á þessu andartaki. Þetta breytist allt stöðugt, og því er ekki unnt að klófesta eitt né neitt sem líkamann “minn”, hug “minn”, eign “mína”. Samt sem áður festum við okkur við núverandi og tímabundið form, en þar sem allt er án sjálfs, þá getum við ekki klófest þetta form. Þegar við reynum að stjórna því, þá dregur úr lífskraftinum okkar. Þess í stað opnum við hendurnar. Þetta gerum við með því að iðka zazen.

Næsta laugardag, 17. febrúar frá kl. 09:15 - 10:15, mun Ástvaldur Zenki flytja Dharma ræðu í húsakynnum Nátthaga að Grensásvegi 8, 4.hæð. Yfirskrift ræðunnar er "Vakandi eðli allrar tilveru". ​ Zenki mun ræða hin tíu mikilvægu lífsgildi sem við höfum verið að lesa um í síðustu tveimur leshringjum. Við höfum verið að lesa úr bókinni Heart of Being eftir John Daido Loori, þar sem hann segir lífsgildin innihalda alla kennslu Búddhadharma og með virkjun þeirra í lífi okkar geti þau orðið endalaus uppspretta visku. Daido-Roshi segir að lífsgildin séu stærsta og víðtækasta útlistun á dharma sem hann gæti nokkurn tímann deilt með okkur. Svo mikilvæg eru þau.

Þegar við viðhöldum lífsgildunum og anda þeirra í því hvernig við göngum, hvernig við sitjum, hvernig við borðum, hvernig við tölum og samskiptum okkar við aðra og umhverfið, mun stöðug nærvera þeirra lýsa upp tilveru okkar.
​-Jakusho Kwong, No Beginning No End

Á laugardaginn kemur þann 10. febrúar 2018 verður leshringur í Zen á Íslandi - Nátthaga. Við munum halda áfram að lesa kafla úr bókinni Kjarninn í tilverunni eða The Heart of Being, eftir John Daido Loori. Þessi seinni hluti kaflans sem við erum að lesa er í íslenskri þýðingu Mikhael Zentetsu.​

Það er hægt að sýna örlæti með ýmsum hætti. Þetta lífsgildi er ekki bara um að gefa öðrum peninga eða efnisleg gæði. Stundum er besta gjöfin bara að gefa annarri skynveru athygli með nærveru sinni, jafnvel án þess að segja nokkurn skapaðan hlut, biðja um eitt eða neitt, án þess að reyna að segja einhverjum til, gefa eitthvað af sér, fá eitthvað til baka. Slík gjöf getur verið ótrúlega mikil og haft djúpstæð áhrif. Hún veltur á því að maður viti hvenær sé rétt að bregðast þannig við og treysti því að aðstæðurnar kalli gjöfina fram.