*** FRESTAÐ ***
Þessi ákvörðun er tekin í ljósi stöðunnar á þróun COVID-19 hér á landi. Við munum fylgjast grannt með þróun mála og látum vita um leið og ákvörðun hefur verið tekin um nýjar dagsetningar.
*** FRESTAÐ ***

​Iðkun zazen er grundvöllur þess sem í daglegu tali kallast núvitund (e. mindfulness) eða vakandi athygli. Með því að læra að iðka Zazen ræktum við smám saman með okkur vakandi huga og meðvitund í daglegu lífi og lærum að þekkja okkur sjálf á djúpan og náinn hátt. Að þekkja sjálfa sig á þennan hátt felur í sér fræ heilunar og kennir okkur að meta lífið sem við lifum.
Markmið námskeiðsins er m.a.:

• Að kenna öndun og vakandi athygli í zazen, sitjandi hugleiðslu.
• Að vinna með líkamann og auka líkamsvitund
• Að útbúa stað heima hjá sér sem er ætlaður hugleiðslu.
• Að byggja upp hugleiðslurútínu í daglegu lífi
• Að læra hefðbundin iðkunarform í setusal Zen Búddista og iðka zazen með öðrum

Námskeiðið kostar 15.000,- kr. og verður kennt á fimmtudögum frá kl. 17:30-19:00. Innifalið í námskeiðsgjaldi er þátttaka í allri dagskrá hjá Nátthaga á meðan námskeiðið varir og eru þátttakendur eindregið hvattir til að prófa að taka þátt í daglegri iðkun samkvæmt dagskrá. Þátttakendum er einnig velkomið að taka þátt í fræðsluviðburðum sem boðið er upp á: leshringjum, darmaræðum og mörgu fleiru.

Kennarar á námskeiðinu eru Ástvaldur Zenki, kennari Zen á Íslandi ásamt Gyðu Myoji og Kolbeini Seido sem hafa áralanga reynslu af hugleiðsluiðkun.

Hvar: Klettháls 1, önnur hæð til hægri þegar komið er upp stigann.
Hvenær: Á fimmtudögum frá 24. september til 22. október frá kl. 17:30 - 19:00.

Allir eru hjartanlega velkomnir í nýtt húsnæði okkar að Kletthálsi 1 og er námskeiðið óháð trúar- eða lífsskoðunum. Námskeiðið er ætlað byrjendum sem lengra komnum og öllum þeim sem þrá að lifa lífinu lifandi og með vakandi athygli.
​
Skráning fer fram með því að senda tölvupóst á [email protected] og greiða 15.000,- kr. námskeiðsgjald inn á reikning félagsins...

Kennitala: 491199-2539
Reikningsnúmer: 111-26-491199

...eða með því að kaupa námskeiðið sem vöru í vefverslun Zen á Íslandi - Nátthaga hér á vef félagsins með því að smella á hnappinn hér að neðan:

Kæra sanga,

​Á laugardaginn kemur 12. september kl. 10:00 verður haldinn söngufundur í nýja húsnæðinu okkar að Kletthálsi 1.

​Þann 1. september síðastliðinn hófst vetrariðkun Zen á Íslandi - Nátthaga og sitjum við nú aftur zazen alla daga nema sunnudaga. Þar að auki hefst nú haustdagskráin þar sem finna má vinnuiðkun, söngufund, setudaga, námskeið, leshringi, ræður og Borgarsesshin. Zen iðkun er góð gjöf til sjálfs þíns og tækifæri til að staldra við og vera betur til staðar í annasömu hversdagslífi.