Blog Archives

Hugleiðslunámskeiðið Andinn sópar hugann

27/2/2019

Hugleiðslunámskeiðið Andinn Sópar Hugann er byrjendanámskeið í Zen hugleiðslu. Námskeiðið byggir á hljóðbókinni Breath Sweeps Mind eftir Jakusho Kwong Roshi, en við munum m.a. skoða valda kafla úr hljóðbókinni í íslenskri þýðingu. Nálgun Kwong Roshi er mjög ítarleg og gaumgæfileg og snýr að öllum hliðum Zen iðkunar.

Leiðbeinendur á námskeiðinu eru Ástvaldur Zenki og Gyða Myoji, sem bæði hafa hlotið prestsvígslu hjá Jakusho Kwong-roshi, kennara Zen á Íslandi – Nátthaga, auk þess sem Ástvaldur Zenki gegnir stöðu kennara í Nátthaga.

Námskeiðið hefst fimmtudaginn 14. mars 2019, kl. 17:30 - 19:00. Það stendur í 4 vikur, einu sinni í viku á fimmtudögum frá kl. 17.30 - 19.00 og lýkur því 4. apríl. Kennt verður í nýju aðsetri Zen á Íslandi að Kletthálsi 1.

Kaupa skráningu á námskeiðið

Námskeiðið er öllum opið, óháð trúar- og lífsskoðunum. Þátttökugjald er 15.000 kr. en námskeiðið er ókeypis fyrir þá sem greiða árgjald í Nátthaga. Innifalið í þátttökugjaldi er dagleg iðkun á meðan á námskeiðinu stendur.

Skráning fer fram með því að kaupa námskeiðið í
vefverslun Zen á Íslandi - Nátthaga hér á vef félagsins
eða með því að smella á hnappinn hér til hliðar.

PS: En til skráningar án kreditkorts endilega sendið tölvupóst á [email protected].

0 Comments

Leshringur - Búdda, Darma og Sanga

14/2/2019

0 Comments

Næstkomandi laugardag 16. febrúar 2019 höldum við fyrsta leshring ársins í Zen á Íslandi - Nátthaga. Í samræmi við þema ársins munum við lesa textann "Endanlegt skjól: Að leita athvarfs í Búdda, Dharma og Sangha" úr bókinni Living by Vow eftir Shohaku Okumura í þýðingu Mikhael Zentetsu.

Í kaflanum segir m.a.:

Ég leita athvarfs í Búdda og strengi heit með öllum skynverum;
að öðlast hina Miklu Leið og vekja hinn óviðjafnanlega hug.
Ég leita athvarfs í Dharma og strengi heit með öllum skynverum;
að kafa djúpt ofan í kennslu Búdda, hafsjó viskunnar.
Ég leita athvarfs í Sanga og strengi heit með öllum skynverum;
að færa sátt og samlyndi til allra, til fullnustu, takmarkalaust.

Þegar við gerumst búddistar byrjum við á því að iðrast og leita athvarfs í Fjársjóðunum Þremur eins og þeir eru kallaðir í hinni búddísku hefð: Búdda, Dharma og Sanga. Þetta eru fyrstu þrjár lífsreglurnar af þeim sextán sem við meðtökum í hinni japönsku Sótó hefð sem rekur ættir sínar til Dogens.

Við byrjum dagskrá laugardagsins með sitjandi hugleiðslu kl. 08:00. Leshringurinn er svo frá kl. 10:15 - 11:15. Allir eru velkomnir og við vonumst til að sjá ykkur sem flest.

0 Comments

Kanzeon hjarta samúðar - Darmaræða með Helgu Kimyo

6/2/2019

0 Comments

Næsta laugardag, 9. febrúar frá kl. 09:15 - 10:15 mun Helga Kimyo-roshi flytja Darmaræðu í húsakynnum Nátthaga að Grensásvegi 8, 4. hæð. Yfirskrift ræðunnar er "Kanzeon hjarta samúðar".

Kimyo-roshi mun ræða um Kanzeon erkitýpu samúðar og hjálpar í búddismanum. Hún mun skoða og reyna að varpa ljósi á annars mjög fjölskrúðuga tilveru Kanzeon hjarta samúðar.

Allir eru innilega velkomnir og aðgangur er ókeypis.
Athugið að dagskrá laugardagsins hefst með sitjandi hugleiðslu kl. 08:00.

0 Comments

Fréttir og tilkynningar

Hugleiðslunámskeiðið Andinn sópar hugann

Leshringur - Búdda, Darma og Sanga

Kanzeon hjarta samúðar - Darmaræða með Helgu Kimyo

Eldra

Höfundur

Efni