Næstkomandi laugardag 25. apríl klukkan 09:40, strax eftir hugleiðslu sem hefst kl. 09:00, munum við halda leshring hjá Zen á Íslandi - Nátthaga. Leshringurinn og hugleiðslan á undan verða haldin með notkun fjarfundabúnaðarins Zoom. Í leshringnum munum við lesa saman þýðingu Brynjars Shoshin á kaflanum "Einnar tommu seta, einnar tommu Búdda" úr bókinni "Ekkert upphaf, engin endalok", eftir Jakusho Kwong Roshi. Í kaflanum segir Kwong-roshi meðal annars:

[Þ]ið munið ... uppgötva að í gegnum setuiðkun ykkar þróið þið með ykkur einskonar stöðugleika í lífinu. Það er eitthvað mjög djúpt og óhagganlegt í ykkur sjálfum sem var alltaf til staðar, rétt eins og nákvæmlega á þessari stundu er agnarsmátt brum á trjám og plöntum.

Ræða Ástvaldar í beinu streymi SMZC

​Mánudaginn 20. apríl hefjum við dagskrá okkar að nýju eftir vorfrí Zen á Íslandi - Nátthaga. Fyrst um sinn munu Zen hugleiðslur okkar fara fram á Zoom, svo til á sömu tímum og við erum vön að hittast uppi á Kletthálsi 1. Dagskráin verður eins og hér segir: Mánudaga kl. 17:30 - setið í 40 mínútur Þriðjudaga kl. 07:20 - setið í 40 mínútur Miðvikudaga kl. 07:20 - setið í 40 mínútur Fimmtudaga kl. 17:30 - setið í 40 mínútur Föstudaga kl. 07:20 - setið í 40 mínútur Laugardaga kl. 09:00 - setið í 40 mínútur

Ræða Ástvaldar Zenki 25. apríl

Þó að hornsteinn iðkunar okkar sé að hittast og iðka saman sem Sanga þá er iðkun okkar án landamæra. Heimurinn og þú eruð eitt, það sem þú gerir fyrir sjálfan þig gerirðu fyrir heiminn líka. -Ástvaldur Zenki-sensei

​Ég misskildi svo stórkostlega hvað zen var að ég breytti sjálfum mér í einskonar ellilífeyrisþega.