Blog Archives

Ekkert upphaf, enginn endir - leshringur laugardag 2. apríl

31/3/2022

Næsta laugardag 2. apríl mun Zen á Íslandi - Nátthagi halda leshring að Kletthálsi 1, 2. hæð. Við lesum þá kafla í þýðingu Brynjars Shoshin, úr bókinni "Ekkert upphaf, enginn endir" eftir Jakusho Kwong-roshi. Við byrjum dagskrá laugardagsins með Zazen hugleiðsluiðkun kl. 08:00 en leshringurinn er svo frá kl. 10:15 - 11:15. Allir eru velkomnir og við vonumst til að sjá ykkur sem flest.

Í bókinni segir meðal annars:

"Þegar þú iðkar setu þá geta komið upp margskonar tilfinningar. Þegar þér finnst ganga vel, þá elskarðu að iðka; þegar þér gengur ekki svo vel í zazen, þá hatarðu það, og stundum líður þér bara eins og vélmenni sem situr án þess að það hafi nein áhrif. Það getur því verið erfitt að setjast niður og halda áfram að iðka. En eftir áralanga iðkun, ákveðin í að gefast ekki upp, þá breytist setan í eina nánustu stund sem við eigum með okkur sjálfum. Ánni virkilega langar til sjávar, svo eins og Bodhidharma, snúum við okkur að veggnum og leyfum ljósinu að lýsa inn á við, í átt að uppsprettu hugans. Og þá, frá því mikla tómi sem á sama tíma er -núið- og -handan alls- þá hljóðlega uppljómumst við."

Djúpt Gassho.

0 Comments

Gömul saga og ný - Helga Kimyo-roshi næsta laugardag

24/3/2022

0 Comments

Næstkomandi laugardag 26. mars 2022 mun Zen kennari okkar Helga Kimyo, heiðursroshi og einn af stofnendum Zen á Íslandi - Nátthaga, flytja fyrirlesturinn "Gömul saga og ný" að Kletthálsi 1. Fyrirlesturinn er öllum opinn og hefst stundvíslega kl. 9:15.

Kimyo-Roshi leggur út frá Dogen í ræðu sinni, og þá sérstaklega kaflanum Shoaku Makusa - Refraining from Evil - Að forðast hið illa. En þar er meðal annars gömul frásögn sem margir hafa heyrt. Hún fjallar um Haku Kyoi, sem var vel þekkt ljóðskáld á sinni tíð. En hann spurði Dorin Choka: "Hvað er aðalatriðið í kennslu Búdda?" Dorin svaraði þá: "Að halda sér frá því að framkvæma margvislegar illar gjörðir og gera allskonar góða hluti." En þá sagði Kyoi: "Ef það væri tilfellið gæti jafnvel þriggja ára barn sagt það." Og Dorin svaraði: "Þó svo að þriggja ára barn væri fært um tjá það, gæti áttatíu ára jafnvel ekki í raun og veru gert það." Kyoi þakkaði.

Við munum sitja hugleiðslu kl. 08.00 að Kletthálsi 1 og svo hefst fyrirlesturinn kl. 9:15. Í djúpu gassho vonumst við til að sjá ykkur öll.

0 Comments

Að taka afturábak skrefið - Leshringur á laugardaginn

4/3/2022

0 Comments

Á morgun laugardaginn 5. mars mun Zen á Íslandi - Nátthagi halda leshring að Kletthálsi 1, 2. hæð. Við lesum þá kaflann "Að taka afturábak skrefið" í þýðingu Brynjars Shoshin, úr bókinni "Ekkert upphaf, enginn endir" eftir Jakusho Kwong-roshi.

Í kaflanum segir meðal annars:

Zazen er einföld og einlæg iðkun. Þegar þið veitið litla huganum athygli þá vex hann og vex og vex. Þegar þið veitið Stóra Huganum athygli þá ræktið þið stóra hug. Stóri Hugur er uppspretta okkar svo hann býr yfir andanum til að veita ykkur innblásturinn sem þið þurfið. Stóri hugur er það eina sem þið getið stólað á.

Við byrjum dagskrá laugardagsins með Zazen hugleiðsluiðkun kl. 08:00 en leshringurinn er svo frá kl. 10:15 - 11:15. Allir eru velkomnir og við vonumst til að sjá ykkur sem flest.

Djúpt Gassho.

0 Comments

Fréttir og tilkynningar

Ekkert upphaf, enginn endir - leshringur laugardag 2. apríl

Gömul saga og ný - Helga Kimyo-roshi næsta laugardag

Að taka afturábak skrefið - Leshringur á laugardaginn

Eldra

Höfundur

Efni