Á laugardaginn kemur, 1.nóvember kl. 09:15 verður Ástvaldur Zenki Traustason með fyrirlestur um Zen. Ástvaldur Zenki er Zen prestur og gegnir stöðu aðstoðarkennara hjá Zen á Íslandi. Fyrirlesturinn ber yfirskriftina "Sofa fjöllin?" 

Einnig er hægt að taka þátt í hugleiðslu á undan en hún hefst kl. 08:00.

Aðgangur er ókeypis og allir eru velkomnir.

Í anda Zen,
Nátthagi - Zen á Íslandi

Kæru félagar,

Á laugardaginn næstkomandi kl.10:15 verður þriðji leshringur vetrarins.

Við höldum áfram þar sem frá var horfið að lesa um Hjartasútruna úr  "Living by Vow," eftir Shohaku Okumura. Í þessum hluta kaflans fjallar Okumura Roshi um þær aðstæður þar sem Hjartasútran á sér stað, og um bodhisattvinn Avalokitesvara og innri merkingu hans.

"Orð Dagsins", sem við munum velta fyrir okkur áður en leshringurinn hefst, er sögnin "að sleppa", eins og hún kemur fyrir í iðkun okkar, eins og í orðalaginu "að sleppa hugsun." Við ætlum að skoða saman hvað það merkir "að sleppa" eða "gefa frá sér" fyrir hvert og eitt okkar.

Sjáumst heil.

Í Gassho
Mikhael Zentetsu.

Textar:
Hljómur tómsins (tekið fyrir síðast)
Opinberun Hjartasútrunnar (tekið fyrir núna)
Hver er Avalokitesvara? (tekið fyrir núna)
Frá báðum hliðum (tekið fyrir síðar)
Tómið - fræðilega séð (tekið fyrir síðar)
Iðkun tómsins (tekið fyrir síðar)

- Jakusho Kwong–roshi, "No Beginning, No End".
  í þýðingu Gunnlaugs Más Péturssonar

Í lok þessarar viku verður haldið Haustsesshin Zen á Íslandi - Nátthaga. Hluti af Sesshin eru Oryoki málsverðir en miklar hefðir fylgja þessum japönsku málsverðum. Á mánudagsetirmiðdag, á meðan zazen fer fram, mun Gyða Myoji vera með leiðbeiningu fyrir þáttakendur sem eru að taka þátt í fyrsta sinn.

Oryoki með Zen á Íslandi - Nátthaga fer nokkurnveginn fram eins og sýnt er á myndbandinu hér að neðan. Samt ekki alveg og viljum við því bjóða þáttakendum á leiðbeiningu Gyðu:

Í næstu viku, frá 15. til 18. október 2014, fer fram haustsesshin Nátthaga í aðsetri okkar á Grensásvegi 8, og hefur það yfirskriftina Að vera tíminn. Í þessu sesshin munum við iðka saman í setusalnum á morgnana og kvöldin og leitast við að flytja iðkun okkar inn í hið daglega líf þess á milli.

Æskilegt væri að Þáttakendur skiptu ekki laugardeginum niður og héldu kyrru fyrir í Nátthaga þann tíma. Að öðru leiti er hægt að taka þátt eftir aðstæðum hvers og eins en gera grein fyrir því fyrirfram.

Á laugardaginn kemur, 4.október kl. 09:15, verður Helga Kimyo Jóakimsdóttir með ræðu um Zen sem ber yfirskriftina Að vera það sem við erum, þar sem við erum.  

Að venju hefst dagskrá laugardagsins með hugleiðslu kl.08:00. Fyrirlestrargestir eru einnig velkomnir í hugleiðsluna.

Aðgangur er ókeypis og allir eru velkomnir.

Í anda Zen,
Nátthagi - Zen á Íslandi