Söngufundur 12. september 2020

Kæra sanga,

​Á laugardaginn kemur 12. september kl. 10:00 verður haldinn söngufundur í nýja húsnæðinu okkar að Kletthálsi 1.

Mig langar til þess að við gefum okkur öll tíma til að koma og ræða saman um okkar samfélag því Sanga er jú einn af fjársjóðunum þremur sem liggja til grundvallar okkar iðkunar: Búdda, Darma, Sanga. Í iðkun okkar leitum við skjóls í fjársjóðunum þremur.

Mín ósk er sú að Sangan okkar sé okkur raunverulegt skjól og að við séum hvort öðru styrkur til að viðhalda vakandi athygli í okkar lífi; að snerta lífið djúplega og stuðla að friði og jafnrétti í okkar lífi, fjölskyldu og samfélagi.

Við erum á tímamótum, komin í fallegt húsnæði sem heldur vel utan um okkur og í haust mun ég stíga formlega inn sem kennari Nátthaga. Ég mun gegna öllum þeim skyldum sem þeirri stöðu fylgir og í því ljósi mun ég í haust bjóða upp á regluleg Dokusan viðtöl sem er viðtal til stuðnings persónulegri iðkun hvers og eins.

Hvað þýðir það að leita skjóls í fjársjóðunum þremur? Hvað er Sanga? Hvaða þýðingu hefur Sanga fyrir þig?

Mér finnst mjög mikilvægt að við hittumst og ræðum saman. Ég hlakka til að hitta ykkur öll.

Til blessunar allrar skynveru,
-Zenki