Söngufundur

Kæru söngufélagar,

Næstkomandi laugardag verður haldinn söngufundur á Grensásveginum. Það er heilmikið í gangi hjá Nátthaga um þessar mundir. Í vetur hefur verið starfrækt hús-næðisnefnd sem er að skoða möguleika okkar á því að skipta um húsnæði. Húsnæðið okkar á Grensás-veginum hefur þjónað okkur vel undanfarin 10 ár og gert okkur kleift að halda úti okkar þjónustu og iðkun en því er ekki að neita að oft er þröngt á þingi og ef til vill kominn tími til að stækka við okkur og gefa Söngunni meira rými og betra tækifæri til að vaxa og dafna. Húsnæðisnefndina skipa Gyða Myoji, Alfred Chozetsu og Brynjar Shoshin og munu þau kynna fyrir okkur stöðuna hjá félaginu og þá möguleika sem eru í spilunum.

Laugardagurinn 3. mars 2018:

08:00    Zazen, Kinhin og Zazen
09:20    Samu; vinnuiðkun
09:40    Kaffi og meðlæti
10:00    Söngufundur
11:30    Fundi lýkur

Mikilvægt er að sem flestir séu með frá upphafi, leggi orð í belg og taki þátt í að móta framtíð Nátthaga. Sangan er einn af fjársjóðunum þremur eins og við vitum: Búdda, Darma og Sanga. Án Söngu er engin iðkun og engin uppljómun. Við gefum hvort öðru tækifæri til að iðka og lifa til blessunar allri skynveru. Til þess að svo megi vera þurfum við gott húsnæði, í því felast mörg tækifæri.

Ég hlakka til að hitta ykkur og ræða framtíð Nátthaga!

Níu gólfbeygjur,
Zenki