Rafræn félagaskrá og breytt félagsgjald

​Kæru félagar,

​Markmið Zen á Íslandi - Nátthaga er að starfrækja og viðhalda iðkun Sótó Zen búddismans á Íslandi. En starfsemi Nátthaga byggir alfarið á sjálfboðavinnu félagsmanna og erum við innilega þakklát öllum þeim félögum sem lagt hafa sitt að mörkum til að gera dagskrá og sögu félagsins eins langa og glæsilega og raun ber vitni. Þar að auki berast allar fjárhagslegar tekjur félagsins sem félagsgjöld frá iðkendum, sem styrkir frá styrktaraðilum og sem sóknargjöld frá hinu opinbera. Án alls þessa væri félagið ekki það sem það er í dag.
​

RAFRÆN FÉLAGASKRÁ

​​Til að halda betur utanum það hverjir félagsmenn Zen á Íslandi - Nátthaga eru þá höfum við nú tekið upp rafræna félagaskrá samkvæmt ákvörðun stjórnar félagsins frá síðasta ári. Í framhaldi af því langar okkur að biðja alla þá sem eru núverandi eða fyrrverandi iðkendur, styrktaraðilar eða skráðir sem trúfélagar hjá Zen á Íslandi - Nátthaga á vef Þjóðskrár að skrá sig í þessa nýju félagaskrá. Rafrænu skráninguna má nálgast með einu smelli á hnappinn hér að neðan eða á hnapp á forsíðu heimasíðunnar sem flytur þig yfir á síðuna Skráning í Zen á Íslandi.

Skráning í Zen á Íslandi - Nátthaga

​BREYTT FÉLAGSGJÖLD

Einnig viljum við benda iðkendum á hækkun félagsgjalda. En þessi hækkun nú er aðallega til komin vegna breytinga hjá félaginu, með nýju húsnæði og nýjum ábóta, en ekki síst vegna hækkana á verðlagi síðan félagisgjaldið var lækkað fyrir nokkrum árum síðan.

Á nýjum síðum á vef félagsins má svo finna frekari upplýsingar um félagsgjöld iðkenda Nátthaga. Styrktaraðilum viljum við benda á síðu með leiðbeiningum um fjárhagslega styrki til félagsins og að lokum á leiðbeiningasíðu fyrir félaga sem vilja skrá sig sem trúfélaga hjá Zen á Íslandi - Nátthaga á vef Þjóðskrár.
​

Til vakningar, blessunar og verndar fyrir allar verur

Megi þetta nýja ár verða okkur öllum til gæfu.
  
Níu beygjur,

-Alfred Chozetsu