Ástand Thich Nhat Hanh stöðugt og bati sígandi

Gefin hefur verið út fréttatilkynning þar sem segir meðal annars að Thich Nhat Hanh sé nú í stöðugu ástandi, eftir heilablóðfall í síðustu viku. Fréttatilkynningin segir einnig:

Fylgst er grant með Thay af mikilsvirtum taugasérfræðingum og hann fær nú bestu aðhlynningu sem völ er á. Nýjustu rannsóknir gefa til kynna að ástand hans sé stöðugt og hann sýnir góðar, en hægar, framfarir, sem sé mikilvægt á þessum tímapunkti á bataferli hans. Svæðið þar sem blæðingin varð hefur ekki stækkað og öll lífsmörk séu innan eðlilegra marka.

Snemma á laugardaginn var, 15. nóvember, opnaði Thay augun í fyrsta sinn síðan hann varð fyrir áfallinu. Á þessum tíma var hann mjög meðvitaður og fylgdist vel með því sem fram fór í kringum hann. Hann lyfti hendinni og snerti þann sem næst honum var. Síðan hefur hann opnað augun nokkrum sinnum og samskiptabendingar hans eru orðnar skýrari, hann bæði kinkar kolli og hristir höfuðið.

Læknar fara þó varlega í allar yfirlýsingar en segjast frekar bjartsýnir. Þeir benda á að líðan Thay sé enn alvarleg og getur breyst með litlum fyrirvara.