Hvert augnablik er alheimurinn...

Laugardaginn 21. október næstkomandi, frá kl. 10:15 - 11:15, fer fram leshringur í Nátthaga. Við höldum  áfram að lesa valda kafla úr bók Dainin Katagiri, Each Moment Is the Universe, í íslenskri þýðingu Brynjars Shoshin.

Katagiri-roshi var einn af Zen meisturum síðustu aldar sem fluttist vestur um haf til að kenna vesturlandabúum búddisma. Þessi bók, sem í íslenskri þýðingu kallast Hvert augnablik er alheimurinn, er einstaklega skemmtileg eins og við fengum að kynnast síðasta laugardag. En í næstu köflum sem Brynjar hefur þýtt þá segir Katagiri-roshi meðal annars:

"Lífið býður þér stöðugt möguleika, stórfenglegt tækifæri, til að snerta sannleikann. Ef þú snertir hann lifnar allt við á ferskan hátt."

Órætt? Þú verður bara að mæta ef þú vilt vita meira.

"Þetta endurnýjaða líf er kallað sveigjanleiki, flæðanleiki eða frelsi. Á þessum tímapunkti geturðu virkilega gert eitthvað - eitthvað meira en þú hefðir haldið."

Um að gera að láta sjá sig, allir eru velkomnir. Hægt er að mæta beint í leshringinn kl. 10:15, en við byrjum dagskrá laugardagsins eins og venjan er með sitjandi hugleiðslu kl. 08:00. Sjáumst.