Heimilislaus maður kennir Zen, seinni hluti

Laugardaginn 24. október kl. 10:15 - 11:15 fer fram seinni hluti leshringsins "Heimilislaus maður kennir Zen", þar sem við lesum saman þýðingu Andra Fannars Ottóssonar á völdum köflum úr bókinni "The Zen Teaching of Homeless Kodo", eftir þrjá "ættliði" kennara í Sótó Zen hefðinni, þá (í tímaröð) Kodo Sawaki, Kosho Uchiyama og Shohaku Okumura. Kodo Sawaki var einn frægasti kennari Sótó hefðarinnar í Japan á síðustu öld, og nemandi hans Kosho Uchiyama er vel þekktur á Vesturlöndum fyrir bækur sínar um Zen, sem nemendur hans hafa þýtt yfir á ensku, meðal annarra Shohaku Okumura, sem er mikilvirkur þýðandi, fræðimaður og Zen kennari sem býr og starfar í Bloomington í Indiana-fylki.

Fyrri hluti leshringsins fór fram síðastliðinn laugardag við góðan orðstír. Allir eru velkomnir á seinni hlutann!