Gjafabréf á námskeiðið Andinn sópar hugann

Nú er hafið vetrarfrí hjá Zen á Íslandi og viljum við þakka ykkur kærlega fyrir haustið sem er liðið og hlökkum til að sjá ykkur á nýju ári 9. janúar 2018.

Ný dagskrá fyrir vetur og vor 2018 er komin á vefinn og langar okkur sérstaklega að benda á fjögurra vikna hugleiðslunámskeið Andinn sópar hugann sem hefst 8. febrúar og stendur til 1. mars.

Námskeiðið er kynnt sem byrjendanámskeið en hentar einnig iðkendum sem eru lengra komnir.
 
Námskeiðið er byggt á hljóðbókinni Breath Sweeps Mind eftir Jakusho Kwong-roshi, kennara Zen á Íslandi - Nátthaga, en þar fer Kwong-roshi ítarlega og gaumgæfilega yfir allar hliðar Zen iðkunar.

Leiðbeinendur á námskeiðinu eru Ástvaldur Zenki og Gyða Myoji, sem bæði hafa hlotið prestsvígslu hjá Kwong-roshi, en Ástvaldur Zenki gegnir stöðu kennara í Nátthaga. Kennt er í aðsetri Zen á Íslandi á Grensásvegi 8 og er námskeiðið öllum opið, óháð trúar- og lífsskoðunum.
 
Þátttökugjald er 15.000 kr. en námskeiðið er ókeypis fyrir þá sem greiða árgjald í Nátthaga. Innifalið í þátttökugjaldi er dagleg iðkun á meðan á námskeiðinu stendur.

Gjafabréf á námskeiðið er í boði og geta áhugasamir sent póst á [email protected].

Með ósk um gleðilega hátíð og blessunar á nýju ári.