Fræðslu- og upplýsingafundur næsta laugardag

Næstkomandi laugardag, 4. nóvember, verður haldinn fræðslu- og upplýsingafundur um innri og ytri starfsemi Zen á Íslandi - Nátthaga.

Félagið mun öðlast sjálfstæði þegar Ástvaldur Zenki verður settur í embætti sem ábóti árið 2018. Zenki mun fara til Kaliforníu í janúar og  "taka við" kennslunni úr höndum kennara okkar Jakusho Kwong Roshi. Kwong Roshi mun svo koma hingað til lands síðar og setja Zenki í embætti.

Efni fundarins á laugardaginn verður meðal annars:

• Uppbygging Zen á Íslandi - Nátthaga - hlutverk ábóta, hlutverk stjórnar
• Sjálfstæði Zen á Íslandi - hverju breytir það fyrir okkur?
• Hvað er Dharma transmission (að taka við kennslunni)?
• Iðkunarstöður Zen á íslandi - hvað þýða þær og hverjir gegna þeim?
• Í hverju felst iðkunin?
• Hlutverk hvers og eins iðkanda
• Formið
• Markmið og framtíðarsýn

Við hvetjum alla til að mæta og taka virkan þátt í að styðja og styrkja við iðkun Soto Zen búddisma á íslandi þannig að iðkunin megi dafna og festa rætur hér á landi um ókomna tíð.

Við byrjum kl. 08:00 á Zen hugleiðslu og svo tekur fundurinn við og honum lýkur kl. 10:30.