Ekkert upphaf, enginn endir

Næstkomandi laugardag 1. febrúar munum við halda leshring hjá Zen á Íslandi - Nátthaga, að Kletthálsi 1, 2. hæð til hægri. Í þetta sinn lesum við texta úr bókinni "Ekkert upphaf, enginn endir" eftir Jakusho Kwong-roshi í þýðingu Lúðvíks E. Gústafssonar.

En í bókinni talar Kwong-roshi meðal annars um kosti allra hluta:

"'Hver hlutur hefur sína kosti'. Þegar þú einfaldlega gerir það sem þú þarft að gera, uppgötvar þú ekki aðeins kosti hlutanna, heldur uppgötvar þú að þeirra kostir eru líka þínir kostir. Þá kynnist þú þeirri djúpstæðu einlægni, sem felst í að mæta sjálfum þér - þínu upprunalega sjálfi - í öllu sem þú gerir. Þegar þú skilur þessa tilfinningu fyrir því að gera hlutina þeirra sjálfra vegna, handan allra hugmynda um hvort þér líki við eitthvað eða ekki, handan hugmynda um gott og slæmt, handan allra aðstæðna, þá ert þú komin á þína upprunalegu leið - leiðina heim." (þýðing Gunnlaugur Mushin)

Við byrjum dagskrá laugardagsins með zazen, eða sitjandi hugleiðslu, kl. 08:00 en leshringurinn er svo frá kl. 10:15 - 11:15.

​Allir eru velkomnir og við vonumst til að sjá ykkur sem flest.

Djúpt Gassho.