Diane Musho Hamilton - Ræða hjá Nátthaga

Það er okkur hjá Zen á Íslandi - Nátthaga mikill heiður að kynna Diane Musho Hamilton sem ræðumann okkar laugardaginn 27. október næstkomandi frá kl. 9:15 - 10:15. Diane ætlar að halda ræðu sína "Everything same, everything different." Diane Musho er margverðlaunaður sáttasemjari, leiðbeinandi, Zen kennari og rithöfundur. Hún hefur stundað hugleiðslu í yfir 30 ár og er hún ásamt eiginmanni sínum Michael Mugaku Zimmerman stofnandi Two Arrows Zen sem er Zen miðstöð í Utah, Bandaríkjunum. Allir eru hjartanlega velkomnir og aðgangur er ókeypis. ​Athugið að dagskrá laugardagsins hefst með sitjandi hugleiðslu kl. 08:00.

DIANE MUSHO HAMILTON - BÚDDISTI
Diane Musho Hamilton er margverðlaunaður sáttasemjari, rithöfundur, leiðbeinandi og Zen kennari. Hún hefur stundað hugleiðslu í yfir 30 ár, en hún byrjaði að iðka tíbetskan búddisma með Choygam Trungpa Rinpoche við háskólann í Naropa um 1983. En eftir að Trungpa lést fjaraði undan iðkun hennar þar til hún kynntist Genpo Roshi og byrjaði að iðka Zen búddisma með honum í kringum 1989. Hún var vígð sem Zen prestur 2003 og fékk svo dharma transmission frá Genpo Roshi 2006. En geta má þess að Genpo Roshi fékk dharma transmission frá Maezumi Roshi árið 1980 og er því t.d. dharma bróðir Tetsugen Bernard Glassman og John Daido Loori. Diane og eiginmaður hennar Michael Mugaku Zimmerman eru stofnendur Two Arrows Zen sem er Zen miðstöð í Utah, Bandaríkjunum. Two Arrows Zen er staðsett á tveimur stöðum í Utah, annars vegar er borgar-zen í miðbæ Salt Lake City og hins vegar er Boulder Mountain Zendo í Torrey rétt fyrir utan Capitol Reef National Park í suðurhluta Utah.

DIANE MUSHO HAMILTON - RITHÖFUNDUR
Diane Musho skrifaði bókina Everything is Workable: A Zen Approach to Conflict Resolution árið 2013. En í þessari bók tekst Diane á við að leysa úr deilumálum á einstakan hátt. Hún blandar saman visku Zen iðkunar, nýja leið til andlegrar iðkunar (sem kynnt var af Ken Wilber í bók hans Integral Spirituality) ásamt sinni eigin reynslu sem sáttasemjari til þess að sýna hvernig líta megi á deilur á nýjan hátt: í raun sem andlega iðkun. Hún skrifaði síðan The Zen of You and Me: A Guide to Getting Along with Just About Anyone árið 2017. En í þeirri bók segir Diane að fólk sem fer í taugarnar á okkur geti í raun verið okkar bestu kennarar. Að það snúist ekki um að líta fram hjá ólíkindum okkar, eins og oft er kennt, heldur að skoða muninn okkar á milli af forvitni og samkennd því þessi munur veitir okkur leið til dýpri tengingar en ella. Að lokum má nefna að Diance Musho kom fram í bókinni The Hidden Lamp: Stories from Twenty-Five Centuries of Awakened Women, þar sem teknar eru saman sögur af hundrað búddískum konum frá tíma Búdda til dagsins í dag.

Hlakka til að sjá ykkur öll laugardaginn 27. október. Athugið að dagskráin hefst með sitjandi hugleiðslu kl. 08:00.