Að vakna til ófullkomleikans - Versið um iðrun

Á laugardaginn kemur þann 17. apríl 2018 verður leshringur í Zen á Íslandi - Nátthaga. Við munum þá lesa saman kafla úr bókinni Living by Vow eftir Shohaku Okumura, í þýðingu Mikhael Zentetsu. En áður hefur Mikhael þýtt og við lesið alla aðra kafla úr þessari bók að undanskildum kaflanum um máltíðarsútruna.

Kaflinn sem við lesum nú heitir "Að vakna til ófullkomleikans - versið um iðrun". Þessi kafli fjallar um vers friðþægingarinnar, sem við kyrjum meðal annars í iðrunarathöfninni á nýju ári. En einnig er farið með versið þegar við tökum við lífsgildunum sextán í Jukai athöfn, en þá byrjum við á að iðrast gjörða okkar með því að fara með þetta vers. Slík iðrun er einskonar núllstilling, því karmað fylgir okkur alltaf áfram.

Hjá Zen á Íslandi – Nátthaga hefur þetta vers áður verið snúið yfir á íslensku á neðangreindan hátt, en á laugardaginn munum við ræða hvernig þýðingin er upp úr Living by Vow:

Allt það karma sem frá fornu fari
af endalausri græðgi, reiði og óvisku ég hef skapað
getið af líkama, munni og hugsun
nú bæti ég fyrir það allt!

Allir eru hjartanlega velkomnir og aðgangur er ókeypis. Athugið að dagskrá laugardagsins hefst með sitjandi hugleiðslu kl. 08:00.