Auka aðalfundur Zen á Íslandi - Nátthaga 29. nóvember

Haldinn verður auka aðalfundur í trúfélaginu Zen á Íslandi - Nátthaga laugardaginn 29. nóvember 2025 kl. 10:15 að Kletthálsi 1, 2. hæð.

​Efni fundarins eru samþykkt nýrra laga, en með tilkomu þeirra tekur Ástvaldur Zenki við sem ábóti félagsins í stað Jakusho Kwong-Roshi, og verður því einnig kosinn nýr stjórnarmaður sem tekur við af Ástvaldi Zenki í stjórn félagsins.

Undirbúningur þess efnis að uppfæra og nútímavæða lög trúfélagsins Zen á Íslandi - Nátthaga hefur staðið yfir í nokkur misseri og tók stjórn félagsins það upp á sína arma að setja á laggirnar laganefnd til þess að koma verkefninu áleiðis. Nefndin leitaði til félagsmanna með uppástungur að Lögfræðingi til aðstoðar og hefur Erna Guðmundsdóttir lögfræðingur verið nefndinni innan handar. Nefndinn skilaði svo drögum að nýjum lögum til stjórnarinnar síðastliðið vor. Í framhaldinu voru drög nefndarinnar send félagsmönnum á síðu iðkenda á Facebook og núna í haust var haldinn kynningafundur þar sem Erna Guðmundsdóttir fór yfir drögin með félagsmönnum á opnum fundi.

Þann 26. ágúst barst stjórn félagsins svo bréf frá Jakusho Kwong-Roshi um að Ástvaldar Zenki tæki nú við sem kennari/ábóti félagsins, en til að svo megi verða að öllu leiti þá þarf að breyta lögum félagsins því í þeim er Jakusho Kwong-Roshi nefndur kennari félagsins með nafni.

Það er því vilji stjórnar félagsins að breyta lögum þess í takt við þau drög sem stjórn, laganefnd og félagsmenn hafa unnið að. Á sama tíma myndi Ástvaldur Zenki taka við sem ábóti félagsins og stíga út úr stjórn. Á fundinum myndum við því líka kjósa nýjan stjórnarmann í hans stað.

Auka aðalfundur verður því haldinn eins og fyrr sagði laugardaginn 29. nóvember 2025 kl. 10:15 að Kletthálsi 1, 2. hæð. og er dagskrá hans sem hér segir:

(Forstöðumaður býður gesti velkomna)
(Kosning fundarritara)
(Kosning fundarstjóra)

1. Inngangur Zenki
2. Kosning um ný lög félagsins
3. Kosning nýs stjórnarmanns
4. Önnur mál

Við munum sitja hugleiðslu frá kl. 8:00 og fundurinn hefst kl. 10:15.

Með von um að sjá ykkur sem flest.

Í anda Zen.