|
Um þetta leiti halda Sótó Zen búddistar um allan heim upp á uppljómunardag Búdda. Í Nátthaga munum við halda upp á daginn á hefðbundinn hátt með Rohatsu miðnæturhugleiðslu, föstudaginn 4. desember næstkomandi kl. 24:00-04:00 (aðfararnótt laugardags). Athugið að dagskrá laugardagsins fellur niður vegna þessa.
Á Rohatsu fetum við í fótspor Búdda og sitjum í 4 klukkustundir samfleytt án þess að stíga upp af púðanum eða leggjast niður, rétt eins og Búdda, sem sat í hugleiðslu undir bódhítrénu og strengdi þess heit að standa ekki upp fyrr en hann hafði fundið orsök þjáningarinnar.
0 Comments
 Laugardaginn 28. nóvember næstkomandi klukkan 09:15 mun Kolbeinn Steinþórsson halda fyrirlestur um Zen iðkun í aðsetri Zen á Íslandi - Nátthaga að Grensásvegi 8, fjórðu hæð. Fyrirlesturinn ber yfirskriftina "Að vega salt", og mun Kolbeinn m.a. fjalla um það að finna jafnvægið milli tveggja andstæðra póla. Kolbeinn hefur verið iðkandi í Nátthaga til margra ára og starfar sem nálastungumaður og nuddari.
Allir eru velkomnir á fyrirlesturinn! Aðgangur er ókeypis, og athugið að einnig er hægt að taka þátt í sitjandi og gangandi hugleiðslu kl. 08:00.  JAKUSHO KWONG ROSHI 80 ÁRA
Kæru félagar og vinir, Senn líður að stórtíðindum, því að laugardaginn 14. nóvember næstkomandi verður Jakusho Kwong-roshi, kennari og andlegur leiðtogi Zen á Íslandi - Nátthaga, áttræður. Jakusho Kwong, eða Roshi eins og hann er kallaður, hefur verið kennari og andlegur leiðtogi Zen á Íslandi allt frá stofnun hópsins árið 1986. Roshi hefur heimsótt okkur nánast á hverju ári frá þeim tíma og unnið gríðarlegt starf til að sá fræjum Zen iðkunar á Íslandi. Það er ekki ofsögum sagt að ef væri ekki fyrir hans miklu vinnu í þágu Dharma þá værum við ekki hér í dag! Við höldum upp á daginn á Grensásvegi 8 með sérstakri afmælisdagskrá laugardaginn 14. nóvember næstkomandi. Allir eru velkomnir, og sérstaklega eldri nemendur Kwong Roshi sem og fjölskyldumeðlimir, makar, vinir og börn. Dagskráin hefst kl. 08:00 með hugleiðslu í um 30 mínútur. Síðan verður kennsla Roshi lesin í íslenskri þýðingu, og um klukkan 09:00 verður boðið til kaffisamsætis. Hægt verður að senda Roshi heillaóskir á afmælinu með hjálp tölvutækninnar. Við vonum að sem flestir sjái sér fært að samfagna með okkur þessu stórafmæli á laugardaginn!  Bakkabræður: heimspekileg upplifun
Laugardaginn 7. nóvember næstkomandi kl. 09:15 - 10:15 mun Helga Kimyo Jóakimsdóttir halda fyrirlestur um Zen iðkun, og ber hann yfirskriftina Bakkabræður: heimspekileg upplifun. Helga Kimyo er annar tveggja aðstoðarkennara (Dharma Holder) Nátthaga auk þess að gegna hlutverki forstöðumanns trúfélagsins. Kimyo hefur verið nemandi Kwong Roshi frá árinu 1986. Hún starfar sem kennari í Alexandertækni. Allir eru velkomnir á fyrirlesturinn og aðgangur er ókeypis. Einnig er hægt að taka þátt í hugleiðslu sem hefst kl. 08:00.
 Laugardaginn 10. október næstkomandi kl. 09:15 - 10:15 mun Mikhael Zentetsu halda fyrirlestur um Zen iðkun. Mikhael Zentetsu var vígður sem Zen prestur af Jakusho Kwong Roshi í júlí árið 2011. Hann hefur undanfarið stundað nám í Feldenkrais aðferðinni. Allir eru velkomnir á fyrirlesturinn og aðgangur er ókeypis. Einnig er hægt að koma í hugleiðslu sem hefst kl. 08:00.
|
Eldra
May 2018
HöfundurZen á Íslandi Efni |
| Zen á Íslandi | Fréttir og tilkynningar |
RSS Feed
|
Vertu vinur okkar á Facebook
|
Zen á Íslandi-Nátthagi
Grensásvegi 8 108 Reykjavík |